تورکییه هم آذربایجان، هم ده روسییا ایله درین دیپلوماتیک و استراتژی علاقه‌لری اولان اؤلکه‌دیر. بیز گرگینلییی دقتله ایزله‌ییریک و هر ایکی اؤلکه‌نی تمکینلی اولماغا چاغیریریق.

Axar.az خبر وئریر کی، بو باره‌ده تورکییه پرزیدنتی رجب طایییب اردوغان آذربایجانا سفرین‌دن سونرا ژورنالیستلره مصاحیبه‌سین‌ده دئییب.

او قید ائدیب کی، تورکییه دیپلوماتیک گرگینلییی آزالداجاق بیاناتلارلا مسئله‌نین داها آسان و اساسلی شکیل‌ده حل اولوناجاغینا اینانیر.

«امید ائدیره‌م کی، ایکی اؤلکه آراسینداکی نگاتیو حاللار ان قیسا زامان‌دا سونا چاتاجاق. ان بؤیوک آرزوموز اودور کی، خوشاگلمز حادثه‌لر روسییا ایله آذربایجان آراسیندا مناسبتلره برپااولونماز ضرر وورماسین. لوکال حادثه‌لری و اونلارین نتیجه‌لرینی اؤز کونتکستین‌دن چیخارمادان حل ائتمک ممکن‌دور».

اردوغان، بو مسئله‌نی آذربایجانا سفری زامانی پرزیدنت ایلهام علیئوله مذاکره ائتدیینی ده بیلدیریب:

«ایلهام بی بورادا چوخ دقتلی و احتیاط‌لی آددیم آتیر. او، بو مسئله‌نی گرگینلشدیرمه‌یین طرفداری دئییل».