تورکییه هم آذربایجان، هم ده روسیا ایله درین دیپلماتیک و ایستراتژی علاقه‌لری اولان اؤلکه‌دیر. بیز گرگین‌لییی دقتله ایزلییریک و هر ایکی اؤلکه‌نی تمکین‌لی اولماغا چاغیریریق.

Axar.az خبر وئریر کی، بو باره‌ده تورکیه پرزیدنتی رجب طیب اردوغان آذربایجانا سفرین‌دن سونرا ژورنالیستلره مصاحبه‌سین‌ده دئییب.

او قید ائدیب کی، تورکیه دیپلماتیک گرگین‌لییی آزال‌داجاق بیاناتلارلا مسئله‌نین داها آسان و اساس‌لی شکیل‌ده حل اولوناجاغینا اینانیر.

«امید ائدیره‌م کی، ایکی اؤلکه آراسین‌داکی نگاتیو حاللار ان قیسا زمان‌دا سونا چاتاجاق. ان بؤیوک آرزوموز اودور کی، خوشاگلمز حادثه‌لر روسیا ایله آذربایجان آراسین‌دا مناسبتلره برپا اولونماز ضرر وورماسین. لوکال حادثه‌لری و اونلارین نتیجه‌لرینی اؤز کونتکستیندن چیخارمادان حل ائتمک ممکن‌دور».

اردوغان، بو مسئله‌نی آذربایجانا سفری زمانی پرزیدنت ایلهام علیئوله مذاکره ائتدیینی ده بیلدیریب:

«ایلهام بی بورادا چوخ دقت‌لی و احتیاط‌لی آددیم آتیر. او، بو مسئله‌نی گرگینلشدیرمیین طرفداری دئییل».