ایونون ۴-ده سیستان و بلوچیستان ایالتینین خاش شهرین‌ده بلوچ قادینلار اعتراض آکسییاسی کئچیریبلر.

Axar.az خبر وئریر کی، بو حاقدا بلوچ فعاللارینین کامپانییاسی معلومات یاییب.

معلوماتا گؤره، خاش شهرینین فرماندارلیق بیناسی قارشی‌سینا توپلاشان قادینلار، سپاه و پلیس قوه‌لرینین بلوچ قادینلاری گوله‌له‌مه‌سینه اعتراض ائدیبلر.

اونلار، قادینلارا آتش آچان حکومت مأمورلارینین جزالاندیریلماسینی ایسته‌ییبلر.

قید ائدک کی، ایونون ۱-ده سیستان و بلوجیستان ایالتینین گؤنیچ کندین‌ده سپاه-ین کئچیردیی عملیات زامانی ۱۲ قادین گوله‌له‌لنیب.

معلوماتا گؤره، حادثه نتیجه‌سین‌ده خان‌بی‌بی بامری آدلی ۴۰ یاش‌لی قادین اؤلوب، ۱۱ قادین ایسه یارالانیب، یارالی قادینلاردان بیری ایسه ایونون ۴-ده خسته‌خانادا حیاتینی ایتیریب.