آوروپا بیرلیینین دیپلماتیک خدمتی گلن هفته اسرائیلین غزه زولاغیندا انسان حقوقلارینی پوزماسینا جواب اولاراق عضو اؤلکه‌لره بیر سیرا سانکسیا واریانتلاری تقدیم ائد‌جک.

Axar.az خبر وئریر کی، بو باره‌ده «یورواکتیو» نشری یازیب.

نشرین معلوماتینا گؤره، تکلیفلر سیراسین‌دا اسرائیلله آسوسیاسیا سازشینین تام و یا قیسماً دایاندیریلماسی، بو اؤلکه‌یه سلاح امبارقوسو، ائلجه ده بعضی رسمی شخصلره قارشی سانکسیالار وار. همچینین تجارت محدودیتلری و علمی امکداشلیغین دایاندیریلماسی دا نظرده توتولور.

بو تکلیفلر ایولون ۱۵-ده بروکسل‌ده کئچیریله‌جک آوروپا بیرلییی خاریجی ایشلر ناظرلری شوراسینین اجلاسین‌دا مذاکره‌یه چیخاریلاجاق.

سون هفته‌لرده بیر سیرا آوروپا بیرلییی اؤلکه‌لری اسرائیله قارشی سرت مؤقع نمایش ائتدیریر. لاکین آلمانیا و فرانسا کیمی اؤلکه‌لر سلاح امبارقوسو و تجارت محدودیتلرینی دستکلمیر. ان رئال سانکسیا واریانتی کیمی ایسه بعضی اسرائیل رسمیلرینه قارشی تدبیرلرین گؤرولمه‌سی قیمتلندیریلیر. بو آددیمی آرتیق بریتانیا و نروژ آتیب.