آمریکا پرزیدنتی دونالد ترامپین بیر سیرا اؤلکه‌یه ادخال روسوملاری اعلان ائتمه‌سیندن سونرا دنیانین ان زنگین انسانلاری بیر گونده ۲۰۸ میلیارد دلار ایتیریب.

Axar.az خبر وئریر کی، بو باره‌ده «بلومبرگ» معلومات یاییب.

«پرزیدنت دونالد ترامپین اعلان ائتدیی تاریفلر گلوبال بازارلاری کسکین شکیلده آشاغی سالماسی ایله یاناشی، دنیانین ان زنگین ۵۰۰ آدامینین ۲۰۸ میلیارد دلار ایتیرمه‌سینه سبب اولوب. عمومی ثروتین آزالماسی بلومبرگ میلیاردرلر ایندکسینین ۱۳ ایللیک تاریخینده دؤردونجو ان بؤیوک آزالمادیر و کووید-۱۹ پاندمییاسیندان بری ان بؤیوک ائنیشدیر. "متا"نین تاسیس‌چی‌سی مارک زوکربرگ "متا" سهملرینین ۸،۹۶% اوجوزلاشماسین‌دان سونرا ۱۷،۹ میلیارد دلار و یا ثروتینین تخمیناً ۹%-نی ایتیریب. "آمازون"اون قوروجوسو جف بزوسون ثروتی بیر گونده ۱۵،۹ میلیارد دلار آزالیب. "آمازون" سهملری جمعه آخشامی گونو تخمیناً ۹% اوجوزلاشاراق ۲۰۲۲-جی ایلین آپرلیندن بری ان بؤیوک ائنیشه دوشوب. ایلون ماسک دا «تسلا»نین سهملرینین ۵،۴۷% اوجوزلاشماسی نتیجه‌سینده ۱۱ میلیارد دلار ایتیریب»، - معلومات‌دا قید اولونوب.