اوکراینا سلاحلی قوه‌لرینین روسیانین کورسک ویلایتینده‌کی عملیاتی داوام ائدیر، قوه‌لریمیزین محاصره‌یه آلینماسی ایله باغلی هئچ بیر معلومات دوغرو دئییل.

Axar.az خبر وئریر کی، بونو اوکراینا پرزیدنتی ولادیمیر زلنسکی دئییب.

او وورغولاییب کی، روسیا آتشکه‌سین الده اولونماسینی ایستمیر.

«بیز آنلاییریق کی، روسیا نه ایستییر، نوبتی آددیملاری نه اولاجاق، اونلارین حربچیلری هارادا جمع‌لشیر، هارادا آتشلرین، هجوملارین و ایرلی‌له‌ییشلرین سایی آرتیر. مثلاً، بو گون جبهه خطی بویونجا ۲۰۰-دن چوخ هجوم قیده آلینیب»، – دئیه زلنسکی بیلدیریب.

پرزیدنتین سؤزلرینه گؤره، روسلار اوکراینالی حربچیلری کورسک ویلایتیندن تمامیله چیخارماق اوچون اللریندن گلنی ائتمک ایستییرلر:

«طبیعی کی، اونلارین سیموولیک تاریخلری وار. گلن آی اونلار هانسی‌سا «غلبه آددیملارینی» گؤسترمک ایسته‌یه‌جکلر. اما هله‌لیک وضعیت بیزیم نظارتیمیز آلتیندادیر. بیز اوراداییق. و بو بیزیم اوچون چوخ واجیبدیر. کورسک استقامتین‌ده بؤیوک سایدا روس حربچی‌سینی – ۶۴ مین نفری – اورادا ساخلاییریق».