اسرائیلین آپرلین ۲-دن ۳-نه کئچه‌ن گئجه سوریایا ائندیردیی آویاضربه‌لر حما و ت۴ بازالاریندا، همچینین دمشق اراضی‌سینده قالان علاوه حربی اینفراستروکتورو هدف آلمیشدی. اسرائیل مطبوعاتی ایسه یازیب کی، ضربه‌لر تورکیه‌یه مئساژ اولاراق ائندیریلیب. چونکی ت-۴ حربی بازاسی و دیگر اوبیکتلره آنکارا سوریادا مهم رول اویناماق مقصدیله باخا بیلر.

Axar.az خبر وئریر کی، بو باره‌ده «یئروسلیم پوست» نشرینین شرحچی‌سی سته فرانتزمان یازیب.

«گئتدیکجه داها چوخ گؤرونور کی، اسرائیل آنکارانین سوریادا کؤک سالماق جهدینین قارشی‌سینی آلماق ایستییر. اوسته‌لیک، بو، آنکارانی جیلوولاماق و گله‌جک گرگینلیین قارشی‌سینی آلماق اوچون بیر واسطه اولا بیلر. اما بو ایشله‌یه‌جک؟ اسرائیل سوریادا ایرانلا قارشیلاشماق اوچون چوخ گؤزله‌دی. ایران سوریا وطنداش محاربه‌سی زمانی بو اؤلکه‌یه قوشون یئریتدی. داها سونرا حزبوللاه و عراق میلیسلری اونون آردینجا گئتدی، ایران حزبوللاها سلاح گؤندرمک اوچون سوریادان کئچن قورو دهلیزدن استفاده ائتدی. بو دا اسرائیل اوچون تهلوکه ایدی»، - شرحچی بیلدیریب.

اونون سؤزلرینه گؤره، سوریادا ایرانلا قارشی-قارشییا گلمکدن تورکیه ایله پوتنسیال قارشی‌دورمایا کئچمک بیر چوخ پوتنسیال تهلوکه‌لر داشیییر:

«اولا، تورکیه‌نین سوریاداکی حاضرکی وارلیغی سوریانین شمالی ایله محدودلاشیر. بیر سیرا بازا و پوستلاردان عبارتدیر. تورکیه سوریا ملی اوردوسونو دستکلییر. ایندی سوریادا یئنی حکومت اولدوغو اوچون سوریا ملی اوردوسونون یئنی سوریا اوردوسونا اینتگراسیاسی گؤزلنیلیر. تورکیه‌نین اله کئچیردیی اراضیلردن چکیلیب-چکیلمه‌یه‌جیی بل‌لی دئییل. آنجاق آنکارا تاکتیکانی دییشمک ایسته‌یه بیلر. تورکیه سوریاداکی ت-۴ کیمی حربی هوا بازالارینی مدرنلشدیرمه‌یه امکان وئره‌جک راضیلاشما الده ائتمه‌یه حاضر اولا بیلر.

اساس سوال اوندان عبارتدیر کی، اسرائیل سوریادا تکجه آنکارا ایله پوتنسیال گرگینلیک دئییل، هم ده سرحد یاخینلیغیندا سوریالیلارلا توققوشمالارا سبب اولان آچیق کامپانییایا قوشولماق ایستییرمی؟ توققوشمالار اینتنسیولشیر. سوریا چوخ گمان کی، جواب اوچون گؤزله‌یه‌جک، لاکین توققوشمالار اونو آنکارادان داها چوخ یاردیم طلب ائتمه‌یه سؤوق ائده بیلر. ضربه‌لر عکس-تأثیر گؤستره بیلر. سوریا اؤزونو نه قدر حساس حس ائتسه، تورکیه‌یه بیر او قدر احتیاجی اولاجاق».

فرانتزمان اسرائیلین آرتیق غزه‌ده محاربه‌ده ایلیشدیینی قید ائدیب:

«اسرائیل اوردوسو لیوان‌دا دا حزبوللاها ضربه‌لر ائندیرمکده داوام ائدیر. ایوردان چایینین غرب ساحلی کئچمیشه نسبتاً داها ساکیت‌دیر، لاکین بو، دییشه بیلر. بؤلگه‌ده باشقا پروبلملر ده وار. حوثیلر بالستیک راکتلردن استفاده ائد‌رک اسرائیله هجومو داوام ائتدیریر. ایران دا پوتنسیال تهلوکه‌دیر.

اسرائیلین کئچمیش سیاستی مناقیشه‌لری اداره ائتمه‌یه و دوشمنلرین «اوتونو بیچمه‌یه» یؤنلمیشدی. اوکتیابرین ۷-دن سونرا اسرائیل سانکی داها ادعالی اولماق ایستییردی. تهدیدلری اداره ائتمکدنسه، اونلاری قاباقلاماق جهدی بوگونکو سوریا و تورکیه سیاستینی معین ائدیر. اما اسرائیل سوریادا بیر دوشمنی دیگرینه دییشدیینی گؤره بیلر. ایران اسد رژیمینین دئوریلمه‌سیندن سونرا سوریانی ترک ائدیب. بو، یاخشی خبر ایدی. بونونلا بئله، گؤرونور کی، اسرائیل صلح دیویدئندلری عوضینه یئنی بیر مناقشه‌یه جلب اولونور. بو، اسرائیلین مناقیشه‌لرینده داها بیر جبهه دئمک اولاجاق.

تورکیه ایران دئییل. تورکیه ناتو-نون عضوودور. اونون گوجلو اقتصادیاتی، روسیا و غربله نیسبتاً یاخشی علاقه‌لری وار. او، ایرانلا دا ایشلییر. آنکارانین گوجلو حربی مدافعه سکتورو موجوددور. ایراندان فرقلی اولاراق، گوجلو اوردویا مالیکدیر و اعتبارلی حربی تکنیکا استحصال ائدیر. ایران ایسه عکسینه، پیلوتسوز طیاره‌لره، بالستیک راکتلره و نووه پروگرامینا مالک اولسا دا، داها ضعیف‌دیر. آنکارا سون ایللرده اسرائیلی تجرید ائتمه‌یه و اونو پیسله‌مه‌یه چالیشیب. سوریادا آنکارا ایله قارشی‌دورما ایرانلا مقایسه‌ده قات-قات چتین اولا بیلر».