آمریکا-آوروپا-اوکراینایا باخاق، بو گون پاریس‌ده فرانسا پرزیدنتی امانوئل ماکرون، ترامپین خصوصی نماینده‌سی ایستیوئن ویتکوف و دولت کاتیبی مارکو روبیو آراسیندا قاپالی دانیشیقلار آپاریلاجاق. بیر نئچه مؤضوع مذاکره اولوناجاق.

Axar.az خبر وئریر کی، بونو روسییالی پولیتولوگ سرگئی مارکوو بیلدیریب.

«بیرینجی‌سی، آمریکا و آوروپا آراسیندا تاریف محاربه‌سی. بیر کومپرومیس تاپماغا چالیشاجاقلار. ایکینجی‌سی، اوکراینا مسئله‌سی: آوروپا صلح دانیشیقلارینی پوزماغا داوام ائد‌جک، یوخسا ترامپین محاربه‌نی بیتیرمک ایستیینی دستکله‌یه‌جک؟ بورادا، صلح دانیشیقلاریندا آوروپانین اشتراکی شرطلری مذاکیره اولوناجاق. اوچونجوسو، ایران. آوروپا آمریکانین سرت موقعی اساسیندا ایرانلا نووه پروگرامی اوزره دانیشیقلارا قوشولماغا حاضردیرمی؟ دؤردونجوسو، اسرائیل و فلسطین. آمریکا ماکرونون غزه‌ده حماس پروبلمینی حل ائتمه‌دن فلسطینی تانیماق وعدین‌دن ناراحات‌دیر. ماکرون حاضردا آوروپانین ان گوجلو سیاست‌چی‌سی‌دیر. و او، آوروپا بیرلیینده‌کی موقعینی ساتا بیلر. اونا گؤره ده بو گون چوخ شئیه قرار وئرمک اولار. اوکراینا ایله باغلی. آوروپا اوکراینایا قوشون یئریتمک حاضرلیغینا داوام ائد‌جکمی؟ آوروپا روسیا ایله صلح دانیشیقلاریندا اشتراک ائد‌جکمی؟» – قید ائدیب.