بو گون دونیادا بین‌الخالق عابده‌لر و تاریخی یئرلر گونو کیمی قید اولونور.

Kult.az خبر وئریر کی، بو گون تاریخی یئرلر و عابده‌لرین محافظه‌سی شوراسینین (ایکوموس) تکلیفی ایله یونسکو طرفین‌دن ۱۹۸۳-جو ایلده تاسیس اولونوب. مقصد انسانلارین دقتینی عابده‌لرین و تاریخی یئرلرین قورونماسینا یؤنلتمکدیر.

آذرتاج خبر وئریر کی، بو علامتدار گون آذربایجان‌دا دا گئنیش قید اولونور. هر ایل بو تاریخ‌ده قوروقلاردا، تاریخی مکانلاردا عابده‌لرین و تاریخی یئرلرین قورونماسینین تبلیغی مقصدیله مختلف تدبیرلر، سرگیلر تشکیل ائدیلیر.

انسانین یاراتدیغی عابده‌لر، یاشادیغی یئرلر ظاهراً دیلسیز اولسا دا، موجود دورومو ایله بیزه چوخ شئی سؤیلییر. عابده‌لرین و تاریخی یئرلرین داغیدیلماسی خالقین، ملتین وارلیغینین محوی دئمکدیر. تکجه ۲۰-جی عصرده باش وئرمیش ایکی دنیا محاربه‌سی نتیجه‌سینده نه قدر داغینتیلار اولوب. حاضردا دونیادا مینلرله عابده محو اولماق تهلوکه‌سی ایله اوز-اوز‌دیر. بو باخیم‌دان بین‌الخالق عابده‌لر و تاریخی یئرلر گونونون تاسیس اولونماسی بؤیوک اهمیته مالک‌دیر.

اؤلکه‌میز دنیادا بشر سیویلیزاسییاسینین ایلکین میدانا گلدیی اراضیلردن بیریدیر. آرخیولوژی قازینتیلارین نتیجه‌لری گؤستریر کی، آذربایجاندا یاشامیش اینسانلارین کئچدیکلری کشمکش‌لی و شرفلی یوللار قدیم یاشاییش مسکه‌نلرینده و چوخسایلی عابده‌لرده اؤز عکسینی تاپیب. یاشادیغیمیز دؤوره گلیب چاتان بو عابده‌لر حاضردا چوخ قیمتلی نمونه‌لر کیمی قورونور. اؤلکه‌میزین هر یئرینده یاشی عصرلری و مین ایل‌لیکلری احاطه ائد‌ن تاریخی عابده‌لر موجوددور. بوتون بونلار خالقیمیزی تورپاغا، اجدادلارینا باغلایان قیریلماز تئللردیر. آزیخ ماغاراسین‌دان تاپیلمیش و آزیخانتروپ آدلاندیریلان قدیم انسانین آلت چنه سومویو آذربایجانین دنیادا ان قدیم ابتدای انسان مسکنلریندن بیری اولماسینی ثبوت ائدیر. قوبوستان‌دا آشکار ائدیلمیش یاشاییش مسکنلری بو اراضی‌ده ان قدیم دورلردن انسانلارین مسکونلاشدیغینی تصدیقلییر.

آذربایجان رهبرلیینین بؤیوک دقت و قایغی‌سی سایه‌سینده اؤلکه‌میزده تاریخی عابده‌لرین تدقیقی، محافظه‌سی و برپاسی، مدنیت نمونه‌لرینین بین‌الخالق عالم‌ده تبلیغی استقامتین‌ده بؤیوک ایشلر گؤرولور. بوتون بونلار ایسه آذربایجانین گلوبال دونیایا اؤز مادی و معنوی مدنیتی ایله بیرگه اینتگراسییاسینی تعمین ائدیر.