تورکیه‌نین کشفیات رهبری (میت) ابراهیم کالین غزه‌یه هومانیتار یاردیمین چاتدیریلماسی ایله باغلی دانیشیقلار آپارماق اوچون شنبه گونو تورکیه‌ده حماس گروپلاشماسینین لیدرلری ایله گؤروشوب.

Axar.az خبر وئریر، بو باره‌ده "آنادولو" معلومات یاییب.

حماس سیاسی بوروسونون رهبری محمد درویش و رهبرلیک ائتدیی نماینده هیئتی ایله گؤروشه‌ن کالین دائمی آتشکسین تامین ائدیلمه‌سی تشببوسلرینی و اسرائیلین غزه اهالی‌سینی زورلا کؤچورمه پلانلارینا قارشی مبارزه یوللارینی مذاکره ائدیب.

کالین اونلاری تورکیه‌نین داواملی دستیینه امین ائدیب و آنکارانین فلسطین اراضی‌سینی اشغال ائتمک و یا الحاق ائتمک اوچون ایسته‌نیله‌ن یئنی جهدلره قطعی شکلده قارشی چیخاجاغینی بیلدیریب.