پاکستان و افغانستان سرحدین‌ده یئرلشن کونار ویلایتینین شیگال رایونون‌دا یئرلشن تخت خور اراضی‌سین‌ده - "دوراند خطی"نده باش وئرمیش سلاحلی قارشی‌دورما نتیجه‌سینده افغانستانین ایکی حرب‌چیسی هلاک اولوب.

Axar.az خبر وئریر کی، بو باره‌ده یئرلی منبع‌لره استنادا "خامه‌پرس" معلومات یاییب.

هلاک اولان حربچیلر شیر علم و موسی آدلی شخصلردیر. توققوشما پاکستان اوردوسونون بؤلگه‌ده یئنی نظارت-بوراخیلیش منطقه‌سی قورماغا جهد گؤسترمه‌سی زامانی باش وئریب.

قید ائدک کی، دوراند خطی – افغانستان و پاکستان آراسیندا دئمک اولار کی، دقیق معین اولونمامیش، ۲۶۴۰ کیلومترلیک احتمال ائدیلن سرحد خطی‌دیر.

بو خط ایکی انگلیس-افغان محاربه‌سی نتیجه‌سینده یارانیب؛ محاربه‌لر زامانی بریتانیا هندستانینین اراضی‌سینی گئنیشله‌ندیرمه‌یه چالیشیب. افغانستان بو سرحدی ایکی اؤلکه آراسیندا رسمی سرحد کیمی تانیمیر.