ایران رهبرلرینین روسیایا، آشاغی روتبه‌لی مأمورلارین افغانستانا و عراقا قاچماق ایسته‌مه‌سی ساده‌جه بیر ادعادیر. ایران‌دا محاربه باشلایاندان بو گونه قدر هله‌لیک هئچ بیر ایران رسمی‌سی خارجه قاچماییب. اولا بیلر کی، هانسی‌سا مأمورون عائله‌سی و یا اوشاقلاری خاریج‌ده یاشاییر. اؤلکه‌دن چیخانلار دا اولا بیلر، اما رهبرلیک‌دن کیمین‌سه خارجه قاچماسی حاق‌دا هئچ بیر معلومات یوخدور.

بو سؤزلری Axar.az-ا آچیقلاماسین‌دا گونئی‌لی فعال، سیاسی مشاهده‌چی علیرضا زمانی ایران حاکمیتین‌ده‌کی اؤنملی فیگورلارین آمریکایلا دانیشیقلارین پوزولماسیندان سونرا روسیایا قاچماق نیتلرینین اولدوغو ادعالارینی شرح ائدرکن دئییب.

«بونا باشقا پریزمادان باخماق لازیم‌دیر. ایران شیعه ایدئولوگیاسی اولان بیر دولت‌دیر. بو ایدئولوگیانین تاریخی دولتین عمرو ایله اؤلچولمور. شیعه‌لیک اسلام تاریخینین یارانماسین‌دان بیر نئچه اونیل‌لیک سونرا میدانا چیخیب. بئله بیر حادثه اولسا، آیتوللاهلار و یا ایران رهبرلیینده اولان هانسی‌سا شیعه خادمی خاریجی دؤولته قاچسا، بو، شیعه‌چی‌لیک ایدئولوگیاسینین سقوطو کیمی قبول اولونا بیلر. اونا گؤره ده اونلار اؤلکه‌نی ترک ائتمزلر. سونونا قدر ووروشار و چالیشارلار کی، حاکمیتی اللرین‌ده ساخلاسینلار. گؤرسه‌لر کی، حاکمیت الده‌ن گئدیر، اؤزلرینی قربان وئررلر.

آشاغی سویه‌لی مأمورلار خارجه قاچا، حتی پول دا آپارا بیلر. بو، او قدر ده اؤنم‌لی دئییل. اما ایرانین رهبرلری – مثلاً، عالی رهبر، پرزیدنت، بیرینجی درجه‌لی دینی خادملر قاچمازلار»، - زمانی بیلدیریب.