اسرائیل و ایرانین آتشکس اعلان ائتدیکدن سونرا بو وضعیتین اوکرایناداکی محاربه‌یه تأثیری باخیمیندان روسیانی ناراحات ائتمه‌سی گؤزله‌نیلن ایدی.

Axar.az خبر وئریر کی، بو باره‌ده «فایننشل تایمس» یازیب.

قید اولونور کی، ایران سلاحلاری، خصوصیله کامیکادزه درونلار روسیا اوچون حربی عملیاتلاردا چوخ دیرلی ایدی. ایندی ایسه بو قدر جدی مغلوبیت‌دن سونرا تهران اؤزونو برپا ائتمه‌یه مجبور اولاجاق و احتمال کی، خیلی مدت کرمله اوکراینادا یاردیم گؤستره بیلمه‌یه‌جک.

نشر بیلدیریر کی، ضعیفله‌دیلمیش ایرانین بو گون روسیانین حربی امکانلارینا جدی تأثیر گؤسترمه‌سی چتین گؤرونور. چونکی روسیا آرتیق اؤلکه داخیلینده چوخ سایدا «شاهد» استحصال ائدیر. ایران بو مقصدله اونا استحصال تکنولوگیاسی، لاییحه‌لر و تعلیملر تقدیم ائتمیشدی.

«اوکراینا حساب ائدیر کی، روسیا مختلف منزیللی تخمیناً ۱۳ ۰۰۰ راکت توپلاییب و آیدا ۲۰۰-ا قدر راکت استحال ائده بیلیر. گؤرونن اودور کی، مسکوا ایران راکتلرینه جدی احتیاج دویمور»، - نشر وورغولاییب.