آمریکا و اسرائیل ایرانی پارچالاماق ایسته‌ییر. اگر هجوم ائتسه‌لر، بوتون گوجوموزله اونلارا قارشی دوراجاغیق. محاربه‌دن قورخموروق، چونکی بئله بیر وضعیت‌ده داخلی بیرلیک و همرای‌لیک داها دا گوجلنه‌جک.

Axar.az خبر وئریر کی، بو سؤزلری ایران پرزیدنتی مسعود پزشکیان بیلدیریب.

«آمریکا اولجه اتنیک گروپلاری قیزیشدیریر. اگر بو ایشه یارامازسا، اؤلکه‌لری بیر-بیرینه قارشی قویور، نتیجه وئرمزسه، بیرباشا میدانا چیخیر. خاریجه جاذب بیر سیما گؤستریر، اما آرخاسیندا شیطانی بیر حقیقت دایانیر. خالقا دموکراتییا شعارلاری ایله سسله‌نیرلر و آزادلیق گتیردیکلرینی ادعا ائدیرلر. اگر بئله‌دیرسه، بس نیه آزادلیق گتیردیینی دئین آمریکا غززه‌ده، فلسطین‌ده، سوریادا و دیگر بؤلگه‌لرده قادینلارین و اوشاقلارین باشینا بو فاجعه‌لری گتیریر؟ اونلارین گناهی نه ایدی؟ بوتون بونلار یالاندان عبارت‌دیر.

پروسس آچیق-آشکاردیر و آمریکا بو سیاستلریندن امتناع ائتمه‌یه‌جک. اما بیز اؤلکه‌میزده بیرلیک و برابرلییی قورویا بیلسک، بونا آسانلیقلا جسارت ائده بیلمزلر. چونکی بونون عوضی اونلار اوچون چوخ آغیر اولار»، - پزشکیان وورغولاییب.