آذربایجان رسپوبلیکاسی ایله آمریکا بیرلشمیش ایشتاتلاری آراسیندا استراتژی طرفداشلیق خارتییاسینین حاضرلانماسی مقصدیله استراتژی ایشچی گروپونون یارادیلماسی حاقین‌دا آذربایجان رسپوبلیکاسی حکومتی و آمریکا بیرلشمیش اشتاتلاری حکومتی آراسیندا آنلاشما مموراندومونون متنی آچیقلانیب.

Axar.az خبر وئریر کی، آذربایجان رسپوبلیکاسینین حکومتی و آمریکا بیرلشمیش اشتاتلارینین حکومتی (بون‌دان سونرا – "اشتیراک‌چیلار")، آشاغیداکی راضیلاشمالاری الده ائدیبلر:

I. مقصد
بو آنلاشما مموراندومونون (بون‌دان سونرا – "مموراندوم") مقصدی اشتراک‌چیلار آراسیندا استراتژی مناسیبتلرین محکه‌مله‌نمه‌سینه یؤنه‌لمیش استراتژی طرفداشلیق خارتییاسینین آلتی آی مدتینده حاضرلانماسی اوچون استراتژی ایشچی کروپونون یارادیلماسی‌دیر.

اشتراکچیلار استراتژی ایشچی گروپون‌دا آشاغیداکی اوچ ساحه‌یه دقت یؤنه‌لتمک نیتینده‌دیرلر:

انرژی، تجارت و ترانزیت داخیل اولماقلا رئگیونال باغلانتیلار؛

صنعی اینتللکت و رقمسال اینفراستروکتور داخیل اولماقلا اقتصادی سرمایه‌لر؛

مدافعه محصوللارینین ساتیشی و تروریزمه قارشی مبارزه داخیل اولماقلا تهلوکه‌سیزلیک ساحه‌سین‌ده امکداشلیق.

II. امکداشلیق ساحه‌لری
اشتراکچیلار آشاغی‌داکیلار داخیل اولماقلا، لاکین بونونلا محدودلاشمایاراق، بیر سیرا ساحه‌لرده امکداشلیق ائتمک نیتینده‌دیرلر:

انرژی ساحه‌سین‌ده سرمایه‌لرین و رئگیونال باغلانتیلار اوزره اینفراستروکتورون گئنیشلندیریلمه‌سی؛

مدافعه و تروریزمه قارشی مبارزه ساحه‌سین‌ده داها محکم امکداشلیغین قورولماسی؛

رئگیونال اقتصادی و تجارت امکداشلیغینین انکشاف ائتدیریلمه‌سی؛

صنعی اینتللکت اوزره طرفداشلیقلارین و رقمسال اینفراستروکتور ساحه‌سین‌ده سرمایه‌لرین انکشاف ائتدیریلمه‌سی.

III. عمومی مدعالار

مدت: بو مموراندوم اشتراکچیلار طرفیندن امضالاندیغی تاریخ‌دن قوه‌یه مینیر و بیر ایل مدتینده قوه‌ده قالیر. مموراندوم اشتراک‌چیلارین قارشیلیقلی یازیلی راضیلیغی ایله اوزادیلا بیلر. هر بیر اشتراکچی ایسته‌نیلن واخت بو مموراندوم‌دا اشتراکینی دایاندیرا بیلر. اشتراکی دایاندیران طرف دیگر اشتراکچییا دیپلوماتیک کاناللار واسطه‌سیله آلتمیش (۶۰) گون اولجه‌دن یازیلی قایدادا بیلدیریش وئرمه‌لیدیر.

لاییحه‌لرین داوام ائتمه مدتی: اشتراکچیلار طرفیندن باشقا قرار وئریلمه‌دیی تقدیرده، بو مموراندوما ختام وئریلمه‌سی ایکی اشتراکچی آراسیندا بو مموراندوم چرچیوه‌سین‌ده آرتیق باشلانمیش و تاماملانمامیش لاییحه‌لره و فعالیتلره تأثیر گؤسترمیر.

دییشیک‌لیکلر: اشتراک‌چیلار قارشیلیقلی یازیلی قرارلا بو مموران‌دومو دییشدیریله بیلرلر.

مئموراندومون تأثیری: بو مموراندوم بین‌الخالق حقوق و یا داخیلی قانون اوزره هئچ بیر حقوق و عهده‌لیک یاراتمیر. اشتراکچیلار بو مموراندومون مالییه عهده‌لییی داشیمادیغینی خصوصی اولاراق قبول ائدیرلر. اشتراکچیلار اؤز علاحیده و اونیکال میسسییا و مانداتلارینی، مسئولیت و حساباتلی‌لیقلارینی قورویوب ساخلاماق نیتینده‌دیرلر.
بو مموراندوم چرچیوه‌سینده اشتراکچیلار آراسیندا امکداشلیغین طرفداشلیق و یا دیگر حقوقی شخص و یا قوروم کیمی تفسیر ائدیلمه‌سی نظرده توتولمور. هر بیر اشتراکچینین بو مموراندوملا باغلی چکدیی بوتون خرجلری اؤزو طرفیندن قارشیلاماسی گؤزله‌نیلیر. اشتراکچیلار بو مموران‌دومو اشتراکچیلار آراسیندا بو مموراندوم امضالانمازدان اول و یا سونرا باغلانمیش راضیلاشمالارا خلل گتیرمه‌دن اجرا ائتمک نیتینده‌دیرلر. بو مموراندوم‌دا هئچ نه‌یین اکسکلوزیو ایشچی مناسیبتی کیمی تفسیر ائدیلمه‌سی نظرده توتولمور.

واشینگتون شهرین‌ده، ۸ آوگوست ۲۰۲۵-جی ایل تاریخین‌ده، انگیلیس دیلینده ایکی اورژینال نسخه‌ده امضالانیب.