اسرائیل ایله ایران آراسیندا یاشانان سون محاربه اورتا شرقین درین پروبلملرینی بیر داها اوزه چیخاردی. بو بؤلگه‌نین تاریخی دایم یئرآلتی ثروتلر، سیاسی حاکمیت اوغروندا ساواشلار، دینی و مذهبی قارشی‌دورمالار و غرب دولتلرینین مداخله‌لری ایله فورمالاشیب.

Axar.az خبر وئریر کی، بو سؤزلری تورکیه‌لی سیاسی اکسپرت امره اؤزتورک دئییب.

او بیلدیریب کی، فلسطین‌لی تاریخ‌چی هانا باتاتو ایسه اورتا شرقین ایستروکتورونا فرق‌لی باخیش بوجاغی گتیره‌ن نفوذلو تدقیقات‌چیلاردان بیریدیر:

«اونون فکرینجه، بؤلگه‌ده‌کی اداره‌چی صینیفلر تاریخ بویو غرب دولتلری ایله علاقه‌لرینی قورویوب ساخلاییبلار. عرب سیاستچیلری فلسطین مسئله‌سیندن تئز-تئز اؤز لگیتیم‌لیکلرینی آرتیرماق اوچون استفاده ائدیب.

باتاتویا گؤره، خصوصیله ۱۹۶۰-جی ایللرده اورتا شرق‌ده فورمالاشان سیاسی پارتییالار و رهبر طبقه‌لر وارلی، غرب تحصیلی آلمیش الیت شخصلر طرفیندن قورولوب. بو گروپلار هر زمان اینگیلتره، فرانسا و آمریکا کیمی گوجلرله سیخ علاقه‌لر ایچینده اولوب و رگیونون سیاسی خریطه‌سی بو مناسبتلره اساساً فورمالاشیب».

باتاتو خصوصیله وورغولاییر کی، سوریا، عراق و مصر کیمی اؤلکه‌لرین لیدرلری ایللر عرضینده فلسطین مسئله‌سینی اؤز سیاسی مؤقعلرینی گوجلندیرمک اوچون واسطه کیمی استفاده ائدیبلر. بو ایسه بؤلگه‌ده اصل خالق حرکاتلارینین و ایمپریالیزمه قارشی طبیعی ملی مقاومتین یارانماسینا مانع اولوب.