موسکوا ایله باکینین باریشماسی استقامتینده ایلک آددیمی، گؤرونور، روسییا طرفی آتیب. یکاترینبورگدا آذربایجان دیاسپورونون اشتراکی ایله باش وئرمیش مناقیشه‌نین آراشدیریلماسی ویلایت اداره‌سیندن روسیا استنطاق کومیته‌سینین مرکزی آپاراتینا وئریلیب و باش پروکورورلوغون نظارتینه اؤتورولوب.

Axar.az خبر وئریر کی، بو باره‌ده «کومرسانت» معلومات یاییب.

قید اولونوب کی، اوغلو ایله بیرلیکده «باکو پلازا» تیارت مرکزینین یاخینلیغیندا خصوصی تعیناتلیلار طرفیندن ساخلانیلان سوردلووسک ویلایتینده‌کی آذربایجان دیاسپورونون رهبری شاهین شیخلینسکی سربست بوراخیلیب. او، یالنیز سس-کویلو ایش اوزره شاهد قیسمینده دیندیریلیب.

روسیانین استنطاق کومیته‌سین‌ده‌کی منبع تصدیقله‌ییب کی، دیگر محبوسلار، او جمله‌دن اوللر حبس اولونموشلار هله ده حبس‌ده‌دیر و اونلارین پروسسسوال استاتوسو دییشمه‌ییب.

نشر وورغولاییب کی، «اسپوتنیک آذربایجان» ژورنالیستلری باکی‌دا سربست بوراخیلدیقدان سونرا وضعیت یومشالماغا دوغرو انکشاف ائده بیلر.