متخصصلرین آپاردیغی گئنیش‌مقیاس‌لی آراشدیرمالار نتیجه‌سینده دنیانین ان ساغلام قیداسی آچیقلانیب. مینلرله محصول آراسیندان زیروه‌یه یوکسه‌له‌ن قیدا ایسه رازیانا اولوب.

Axar.az خبر وئریر کی، ویتامین و مینرال باخیمیندان اولدوقجا زنگین اولان رازیانا منتظم استفاده ائدیلدیک‌ده امونیتتی گوجلندیریر، بدنی سربست رادیکاللارین ضررلی تأثیرین‌دن قورویور. همچینین، دیابت ریسکینی آزالتماقلا یاناشی، خرونیکی خسته‌لیکلرین قارشی‌سینین آلینماسیندا دا مهم رول اویناییر.

توخوملاری حضم دوستو، چایی ایسه ساکیتلشدیریجی تأثیرلی

رازیانا هم یارپاقلاری، هم توخوملاری، هم ده کؤکو ایله مطبخ‌ده گئنیش استفاده ساحه‌سینه مالک‌دیر. توخوملاری حضمی آسانلاشدیریر، گاز و معده اسپازمینی آرادان قالدیریر. رازیانا چایی ایسه ساکیتلشدیریجی تأثیری ایله ایسترسسی آزالدیر، یوخو کیفیتینی یاخشیلاشدیریر و سینیر سیستمینی تارازلاشدیریر.

ویتامین و مینرال آنباری

دمیر، کالسیوم، ماقنزیوم و کالیوملا زنگین اولان رازیانا، سوموک ساغلاملیغینی دستکلییر، عینی زمان‌دا از‌له فونکسیالارینین دوزگون ایشله‌مه‌سینه کمک ائدیر. متابولیزمانی تنظیمله‌یه‌رک عمومی ساغلاملیغا مثبت تأثیر گؤستریر.

چوخ واخت چای کیمی استهلاک ائدیلن رازیانا بالیق و تروز یئمکلرینه قاتدیغی خصوصی عطرله ده سئچیلیر. بئله‌لیکله، هم ساغلام، هم ده دادلی بیر سئچیم اولاراق سفره‌لرده یئر آلیر.