علم آداملاری آغ جیگر خرچنگینین یاییلماسینی کولک ده سوورولان چادیرلارا بنزدیب.

آخار.آذ خبر وئریر کی نیویورک و تگزاس اونیورسیتئتلرینین عالیملری بیلدیریبلر کی، ایکی پروتئین آراسینداکی علاقه حجیره چادیرینین فورماسینی ایتیرمه سینه و بینوورسیز قالماسینا سبب اولور.

بو وضعیتین آغ جیگرده کی خرچنگ حجیره لرینین بدنین دیگر یئرلرینه کؤچورولمه سینه گتیریب چیخاردیغینی اؤیرنن عالیملر کشفین آغ جیگر خرچنگینین یاییلماسینا مانعه اولاجاق معالجه متودلارینین تکمیللشدیریلمه سینه کمک ائده جگینه اومید ائدیبلر.

"زب 1" آدلانان پروتئنین خرچنگ حجیره سینین یاییلماسی مدتینده کریتیک اؤنم داشیدیغی قید ائدیلیب. آراشدیرماچیلار ساغلام حجیره لره ضرر وورمادان بو پروتئینی نئجه هدف سئچمه یین یوللارینی آختاریر. ساده جه آغ جیگر خرچنگی حجیره لرینی آراشدیران آراشدیرماچیلار عینی مدتین دیگر خرچنگ نوع لری اوچون ده کئچرلی اولوب اولمادیغینی بیلمیرلر.