اینسانلار چوخ فرقلیدیرلر. هره‌نین اؤز گنتیک کودو، قیدالانما آلیشقانلیغی، کئچمیشی و ... اؤز پارازیتلری واردیر. بونلارین هامیسینا عینی دقتی گؤسترمیریک. مثلاً، گنتیکانین اینسانا تأثیری حاقیندا اینترنت‌ده یووتوب-و تاپماغا قادیر اولان هر کس نه ایسه بیلیر. اما پارازیتلرین و میکروبلارین اینسانا نه تأثیری اولدوغونو چوخ آدام بیلمیر.

آخار. آذ عائله‌م. آذ-آ ایستینادا بیلدیر کی، بونو اورولوق-جرراح، طب اوزره فلسفه دوکتورو واسیف ایسماییل اینفئکسییانین اینسان دوشونجه‌سینه تأثیریندن دانیشارکن دئییب. او، اینفکسییالاردان دانیشارکن بیر نئچه فاکتا دقت چکیب:

"چوخونوز مصر اهراملارینی گؤرموسونوز. بوندان ۲ ۵۰۰ ایل اول مصرده نیل چایینین ساحلینده بؤیوک بیر مدنیت اولوب. مقبره‌لر و گئری قالان مدنی میراث او قدر محتشم‌دیر کی، بیر چوخ اینسان مصرله باغلی اشیالاری ائوینده گؤزونون قاباغیندا ساخلاییر. او جمله‌دن پیشیک هیکللرینی. قدیم مصرلیلر پیشیکلری چوخ سئویبلر. بیر نؤو سیتاییش ائدیبلر یعنی. بو فاکت عالیملرین دقتیندن یایینماییب.

پیشیکلر حاقیندا بعضی ماراقلی فاکتلار:

- طبیعتده یایغین بیر پارازیت واردیر. آدی دا توکسوپلازم.

- توکسوپلازم حیاتی بویونجا ۳ مرحله‌دن کئچیر. مثلاً، ایپک قوردو کیمی. بو جانلی حیاتینین بیر حیصه‌سینی قورد، قالان حیصه‌سینی ایسه کپنک کیمی یاشاییر. توکسوپلازم دا حیاتی بویونجا ۳ مرحله کئچیر.

- توکسوپلازم ایستیقانلی حیوانلارین هامیسینا (اینسان داخیل) یولوخور.

- توکسوپلازم بوتون حیات دؤورونو تماملاماق اوچون ان آز ۲ قوناق دییشمه‌لیدیر.

- توکسوپلازم یولوخموش حیوانلاردا قورخو حسی آزالیر، تهلوکه‌یه و اؤزونو اؤلدوره‌جک حرکتلره مئیل آرتیر.

مثلاً، توکسوپلازم یولوخموش سیچان پیشیک سیدیینین قوخوسونا طرف گئدیر. چونکی پیشیک او سیچانی یئیرسه، سیچانین بدنین‌ده‌کی توکسوپلازم سیستلری پیشیک باغیرساغیندا آچیلاجاق و اؤز حیات دؤورونو داوام ائتدیره بیله‌جک.

عالیملر پیشییه قارشی خصوصی محببتین آلتیندا توکسوپلازم یولوخماسینین یاتا بیلجیینی آراشدیرماغا باشلادیلار.

فاکتلار:

- توکسوپلازم بئیینده اؤزونه یووا سالیر.

- توکسوپلازم چوخالماق اوچون دوفامین و ل-دوپا ایفراز ائدیر. بونلار بوتون ایستیقانلی حیوانلاردا داورانیشی معینلشدیره‌ن ماده‌لردیر. یعنی توکسوپلازم حیوانین داورانیشینا تأثیر ائتمه ایمکانینا صاحبدیر.

- توکسوپلازم یولوخموش اینسانلاردا داها چوخ شیزوفرنییا، دپرسسییا (خصوصیله بیپولیار خسته‌لیک) گؤرولور.

- توکسوپلازم یولوخموش اینسانلار داها چوخ یول قزالارینا (خصوصیله اؤلومجول) دوشورلر.

- توکسوپلازم یولوخموش اینسانلار داها چوخ اینتیهار ائدیرلر.

- توکسوپلازم یولوخموش کیشیلر داها قیسقانجدیرلار.

- توکسوپلازم یولوخموش قادینلار داها مهریبان و قایغیکئشدیرلر.

چوخ قریبه‌دیر، توکسوپلازم یولوخموش بوتون فردلر میکروبون یاییلماسینا خیدمت ائد‌ن داورانیشلار سرگیلییرلر:

- سیچانلار پیشییه طرف گئدیر،

- اینسانلار اؤزونو اؤلدورور،

- کیشیلر قیسقانجلیق بحرانینا گیریب هلاک اولما احتیمالی اولان داوالارا گیریشیرلر (جانسیز بدنینی وحشی حیوانلار یئسینلر دئیه)،

- قادینلار ایسه قایغیکئشلیکله داها چوخ کیشی جزب ائدیب، حامیله قالیب اؤولادینا اینفئکسییانی کئچیرمه‌سی کیمی.

بو دئدییم فاکتلارین هامیسی علمی اولاراق ثبوت ائدیلیبدیر".