ساده اصوللارلا بئینیمیزی و سینیر سیستمیمیزی گوجلندیره بیلریک.

آخار. آذ خبر وئریر کی، بئینین ساغلاملیغی اوچون موختلیف‌لیک و ماراق اؤنملی‌دیر. یئنی کشفلر ائتمک، دونیانی ماراقلی گؤزلرله سئیر ائتمک دقتیمیزی جمعله‌مک‌ده ان بؤیوک بؤیوک یاردیم‌چیلاردیر. اونوتقانلیق، دالغینلیق کیمی حاللاردان شیکایتچیسینیزسه بیر نئچه بئیین مشقینی حیاتینیزا داخیل ائتملیسینیز.

همین اصوللاردان بیر نئچه‌سینی تقدیم ائدیریک:

اویون اوینایین. اوشاقلارین بیر بیلدیی وار ایمیش. تاپماجالار، "سودوکو" کیمی رقمسال اویونلار زکانیزی ایشلتمیینیزه کؤمک ائد‌جک. طبیعی کی، ساعتلارلا کومپوتر آرخاسین‌دا اوتورماق یوخ. متخصصلر دوشونور کی، اویون اویناماق اوچون هر گون ۱۵- ۳۰ دقیقه کیفایت ائدیر.

مئدیتاسییا ائدین. هر گون ۱۰ دقیقه مئدیتاسییا زهنینیزی بوشالتماغینیزا، سینیر سیستمینیزی راحاتلاتماغینیزا کؤمک ائد‌جک. ساده‌جه اوتوروب، نفسینیزی دینلیین و بدنینیزی راحاتلاشدیرماغا چالیشین.

ساده‌جه قارینینیزی دوی‌دورماق اوچون یوخ بئینینیزی ده دوی‌دورماق اوچون یئمکلر یئیین. بونلارا ان یاخشی مثاللار: یاغلی بالیقلار، قوز، فیندیق، زیتونیاغی و س.

یئنی بیر شئیلر اؤیره‌نین. بو زامان بئینینیزین بیر چوخ بؤلومو بیردن چالیشیر. ایستر یئمک بیشیرمک اولسون، ایسترسه ده چالغی آلتی ایفا ائتمیی اؤیره‌نمک، اساس اولان اؤیره‌نمه باجاریقلاریمیزی تتیکله‌مک‌دیر کی، بو دا بئینیمیزه چوخ یاخشی تأثیر گؤستریر.