یادداش‌سیزلیق، زهنی یورغونلوق، دقتین آزالماسی بو گون اوشاق‌دان بؤیویه کیمی بوتون یاش قروپلارین‌دا تئز-تئز راست گلینه‌ن ساغلام‌لیق پروبلریندن‌دیر. بئیین ساغلاملیغینین قورونماسی اوچون اینسان، ترکیبین‌ده ویتامین و مینئراللارین بول اولدوغو قیدالاردان داها چوخ ایستیفاده ائتمه‌لی‌دیر.

یادداشی گوجله‌ن‌دیرمک و ایستابیل قیدالانمانی نیزاملاماق اوچون نه ائتمک و هان‌سی قیدالارا اوستونلوک وئرمک لازیم‌دیر؟

بالیق

بیین ساغلام‌لیغینی قوروماق و گوجلندیرمک اوچون لازیم اولان اومگا-۳ مادده‌سی ایله زنگین‌دیر. بیین توخومالارینین بؤیوک بیر حیصه‌سی یاغ تورشولاریندان عبارت‌دیر و اومگا -۳ یاغلارین اریمه‌سینه، سینیرلر آراسین‌دا داها یاخشی علاقه یاراتماغا و بیین حجمینین قورونماسینا کؤمک ائدیر. بالیق یاغی قبول ائتمک یادداشین برپاسی ایله بیرلیک‌ده گؤرمه قابیلیتینی‌ده اینکیشاف ائتدیریر. بئیینین اینکیشافی اوچون هفته‌ده ان آزی ایکی دفعه کالری دیری آز اولان، اومگا-۳ ایله خیلی زنگین اولان بالیق و بالیق محصوللارین‌دان ایستیفاده ائتمیینیز مصلحت‌دیر.

یومورتا

بدنیمیز اوچون ضروری اولان ان کیفیت‌لی زولال منبعی‌دیر. خصوصیله بئیین هوجئیره‌لرینین اینکیشافینا کؤمک ائد‌رک فونکسیونال‌لیغی آرتیریر. یومورتانین ترکیبین‌ده "ب ویتامین"اینه داخیل اولان کولین ماده‌سی وار. کولین ایسه بیین حجیره‌لرینین یئنی‌لنمه‌سینه تأثیر گؤستریر. یومورتاداکی آمین تورشولاری عقلی و نئورولوژی پوزوقلوقلارین قارشی‌سینی آلماق اوچون نئوروترانسمیتر بالانسینی قورویاراق حجیره فونکسییاسی ایله قارشی‌لیق‌لی تأثیر گؤستریر. زکانیزین اینکیشاف ائتمیینی ایستییرسینیزسه، هر سحر بیر یومورتا یئمیی اونوتمایین.

بوتون تاخیل محصوللاری

بینین اینکیشافینین و گوجلو یادداشین برپا ائدیلمه‌سینه کؤمک ائد‌ن ب قروپو ویتامینلری ایله زنگین اولان تاخیل محصوللاری گون‌ده‌لیک حیاتیمیزدا ایستیفاده ائتدییمیز قیدا نؤعلرین‌دن بیریدیر. بوغدا اونون‌دان حاضرلانان چؤرک، ب ویتامینی منبیی‌دیر. بو قروپ ویتامینلر سینیر هوجئیره‌لرینین دوزگون ایشله‌مه‌سین‌ده، سینیر مئساژلارینین سینیر مرکزینه واختین‌دا و دقیق اؤتورلولمه‌سین‌ده ایشتیراک ائدیر. خصوصیله ب۶، ب۱۲ قان‌دا هوموسیستین آرتیمینی دایاندیریر و آلزایمر خسته‌لیگی ریسکینی آزال‌دیر.

قوز

اومگا ۳ و ۶ یاغ تورشولاری، فوسفور، کالسیوم، کالیوم، و دیگر دمیر المنتلری ایله زنگین اولان قیدا نؤعودور. علمی آراشدیرمالار قوزون یادداش، قاوراما و اؤیره‌نمه قابیلیتلرینی یاخشیلاشدیردیغینی ثبوت ائتمیش‌دیر. گون‌ده ۳-۴ قوز یئمک بیین اینکیشافی اوچون واجیب‌دیر. اوشاقلارا ایسه گون عرضین‌ده ۲ بوتؤو قوز و یا فیندیق، اومگا ۳ ترکیب‌لی بادام یئدیرمیینیز مصلحت‌دیر.

قاتیق

زنگین کالسیوم منبیی اولان قاتیق‌دا تیروزین مادده‌سی واردیر. تیروزین یادداشی برپا ائدیر . گون‌ده ان آزی ۲ پورسییا قاتیق و یا دیگر سود محصوللاری قبول ائتمیینیز مصلحت‌دیر.

فیستیق

سینیر سیستمینین ساغلام فعالیتینه، یادداشین اینکیشافینا کؤمک ائدیر. آنجاق فیستیق آللئرگیک خصوصیته و یوکسک کالوری دیرینه مالیک اولدوغونا گؤره هر آداما توصیه اولونمور. بونا گؤره ده گون عرضین‌ده ۱۵-۲۰ ادد یئمیینیز مصلحت‌دیر.