اورمودا حامیله آنا مطهری خسته خاناسین‌دان تبریز ایمام رضا خسته خاناسینا آپاریلیرکه‌ن حیاتینی ایتیریب. قادینین اؤلومونه «پلازمافئرئز» و یا باشقا آدلا دئسک قان دییشمه جیهازینین ایشله‌مه‌مه‌سی سبب اولوب.

آخار. آذ خبر وئریر کی، بو سؤزلری بازار ائرته‌سی غربی آذربایجان طب علملری و ساغلام‌لیق خیدمتلری اوزره معاوینی، دوکتور ابراهیم حسنی بیلدیریب. او، جیهازین ویلایتین قان ترانسفوزیون شعبه‌سین‌ده ایشله‌مه‌مه‌سی و تبریز ایمام رضا خستخاناسین‌دا عملیاتین مومکون اولماماسی آنانین اؤلومونه سبب اولدوغونو بیلدیریب.

«بو جیهاز ایالت‌ده تیببی خیدمته احتیاجی اولان خسته‌لره خیدمت گؤسترمک اوچون ایستیفاده ائدیلیر. لاکین آنانین مراجعتی زامانی تئکنیکی چاتیشمازلیقلار سببین‌دن ایستیفاده ائدیله بیلمه‌دی و نتیجه‌ده ۲۲ یاشین‌دا حامیله آنا و قارنین‌داکی ۲۳ آیلیق اوشاق اؤلدو»، – حسنی غربی آذربایجان‌دا قان ترانسفوزییاسی باش ایداره‌سین‌ده بیر قان مبادیله‌سی آپاراتینین مؤوجودلوغو مسئله‌سینه توخونارکه‌ن دئییب.