آنا صحیفه ساغلیق |
خینا بویا و درمان اهمیتلی بیتکی کیمی چوخ قدیم زامانلاردان ایستیفاده ائدیلیر. قدیم مصرلیلرین قبیرلرینده خینانین قورودولموش یارپاقلاری تاپیلیب. محمد پیغمبر اونون چیچکلرینین اترینی چوخ سئویرمیش. خریستیانلارین مقدس کیتابی اولان اینجیلده ده بو بیتکینین آدی چکیلیب. مرکزی آسییا اؤلکهلرینده خینادان بدهنده دؤیمه ناخیشلارین، یازیلارین و شکیللرین وورولماسی بؤیوک پوپولیارلیق قازانیب.
آخار. آز خبر وئریر کی، بویاق و درمان اهمیتلی واسطه الده ائتمک اوچون خینانین یارپاقلارینی پاییزدا توپلاییر، قورودوب خیردالاییر و هر ۱۰ کیلوقرامینا ۱ کیلوقرام گنگرچک توزونو علاوه ائدیرلر. آلینان قاریشیق قیرمیزی رنگلی توزدان عبارت اولور. خینانین توزونو درهال قابلاشدیریر و واکوومدا ساخلاییرلار، چونکی عادی شرایطده ساخلادیقدا تئز خاراب اولور و سیرادان چیخیر.
خینا تکجه بویاییجی مادده دئییل، هم ده موالیجوی خصوصیتلره مالیک اولان بیر واسطهدیر. خینا چوخ گوجلو دئزینفئکسیائدیجی تأثیره مالیک اولدوغونا گؤره اونو یارالارین و زدهلرین، همچینین دئرماتولوژی و سوموک خستهلیکلرینین، باش آغریلارینین موالیجهسینده ایستیفاده ائدیرلر. اونونلا مشغول اولان هکیملرین دئدیینه گؤره، ایستوماتیت، دیل، یاناق و دوداقلاردا یارانان خورالار زامانی خینا ایله قارقارا ائتمک فایدالی تأثیر گؤستریر.
کسکین ایلتیهاب و آبسئسلرده، کورک ناهییهسینده آغریلار باش وئردیکده قیزیلگول یاغی، طبیعی موم و خینانین ائکستراکتینین قاریشیغی چوخ سمرهلی ساکیتلشدیریجی تأثیر گؤسترهن واسطه کیمی تطبیق اولونور. دیش آغریلاریندا خینانین توزونو سو ایله قاریشدیریب دیشین اویوغونا قویورلار. خینا توزونون سیییغی باش آغریلاری زامانی همین ناهییهلره یاخیلیر.
خالق تبابتینده خینا اوشاقلاردا تصادف ائدیلهن خنازیر (زولوتوخا)، همچینین ائکزئما و دیگر چتین ساغالان دری خستهلیکلرینین موالیجهسینده تطبیق اولونور.
تاریخ
2020.04.30 / 22:19
|
مولف
Axar.az
|