آدی "قران کریم"ده کئچدیی اوچون خالق آراسیندا "جنت مئیوه‌سی" دئییله‌ن نارین فایدالارینی سایماقلا بیتمز.

Kult.az خبر وئریر کی، خرچنگ و بیر سیرا خسته‌لیکلری کؤکوندن محو ائد‌ن میوه‌نین سویو اؤزوندن ده شفالیدیر.

ناری گونده‌لیک استفاده ائتدیکده یورغونلوغو آرادان قالدیریر، بدنه گوج وئریر. همچینین خولسترین و شکری تنظیملیه‌ن میوه، خرچنگ حجیره‌لرینین انکشافینا مانع اولاراق، اورک ساغلاملیغینین قورونماسینا دا یاردیم ائدیر.

نار همچینین قیش آیلارینین ان سئویملی میوه‌لریندن بیریدیر. توملاریندان دنه‌سینه، قابیغیندان سویونا قدر بیر چوخ خسته‌لییه شفا اولان میوه، بدنی خسته‌لیکلره قارشی قالخان کیمی قورویور. ناری سویماق نه قدر اذیتلی اولسا دا، ارگانیزمه اولان خیرلری بو زحمته دیر.

نار لذتلی و فایدالی میوه اولماسییلا برابر قیدا دیری باخیمیندان دا زنگیندیر. ترکیبینده کالیوم و دمیر مینرالی ایله ج ویتامینی وار. نار، ب۱، ب۲ ویتامینلری ایله یاناشی، کالسیوم و فوسفور مینرالی دا احتوا ائدیر.

اؤزونده زنگین کالیوم احتوا ائد‌ن بیر استکان نار سویو گونده‌لیک احتیاجیمیز اولان ج ویتامینینین ۲۵%-نی قارشیلاییر.

اودور کی، مؤوسومدن استفاده ائدیب بول نار سویو ایچمیینیز توصیه اولونور. گون عرضینده قبول ائتدیینیز بیر استکان شیره ایممون سیستمینیزی گوجله‌ندیرجک.