دوزگون دمله‌نمیش طبیعی چای سوسوزلوغو یاتیریر، کولئستئرینی آشاغی سالیر، اورک-دامار سیستمینی نورماللاشدیریر، قوجالمانی لنگی‌دیر و ایدراک قابیلیتینه مثبت تأثیر گؤستریر. بونونلا بئله، ایچکینین مثبت جهتلرینین بوللوغو منفی جهتلرین اولماسینی استثنا ائتمیر.

Kult.az آخشام ساعتلاریندا چای ایچمه‌یین ضررلرینی تقدیم ائدیر.

چوخ واخت چایدا نه قدر کوفئین اولدوغونو اونودوروق. آخشاملار، خصوصیله ۱۶:۰۰-دان سونرا چای ایچمک وردیشی یوخو ایله باغلی پروبلئملره سبب اولا بیلر. چای تام یوخوسوزلوغا سبب اولماسا بئله، اونون منتظم ایستیفاده‌سی یوخونون کئیفیتینه تأثیر گؤستره بیلر.

بوندان علاوه، چایدان ایمتینا دیش ساغلاملیغینا، خصوصاً ده دیش میناسینین وضعیتینه فایدالی تأثیر گؤستره‌جک. گوجلو دملنمیش ایچکینین منتظم ایستیفاده‌سی دیش خسته‌لیینه سبب اولا بیلر. بونون قارشی‌سینی آلماق اوچون چایین میقدارینی، همچینین دمله‌مه مدتینی آزالتماق کیفایت‌دیر - ۳-۵ دقیقه‌دن چوخ اولمامالی‌دیر.

دمیر چاتیشمازلیغی آنئمییاسینین اینکیشافینین قارشی‌سینی آلماق ایسته‌ییرسینیزسه، یئمکدن درحال سونرا چای ایچمک وردیشین‌دن قورتولمالیسینیز. ۲۰۱۱-جی ایلده کالیفورنییا اونیوئرسیتئتینده آپاریلان تدقیقاتلار ثبوت ائدیب کی، چای قیدادان الده ائدیلن دمیرین اورگانیزم طرفیندن منیمسه‌نیلمه‌سینی اهمیتلی درجه‌ده پیسله‌شدیریر. اگر منتظم اولاراق یئمکله چای ایچسه‌نیز، خوشاگلمز نتیجه‌لرله دولو اولان دمیر چاتیشمازلیغینین اینکیشاف ریسکینی آرتیرمیش اولاجاقسینیز: درینین، ساچین پیسلشمه‌سی، یوخوسوزلوق و ذهنی قابیلیتین پوزولماسی.