قان‌دا شیش دنت-سی‌نین وارلیغینا دایر یئنی تئست خرچنگی عنعنوی دیاگنوستیک اصوللاردان داها تئز آشکارلایا بیلر.

Axar.az خبر وئریر کی، بونونلا باغلی تدقیقاتلار "ناتوره مئدیکین" ژورنالیندا درج اولونوب.

مایه بیوپسییاسی تکنولوگییاسی قاندا ایسپئسیفیک موتاسییالارلا سئچیلن شیش دنت-سی‌نین آشکارلانماسینا اساسلانیر. بو مئتودون حیاتا کئچیریلمه‌سینه اساس مانعه قاندا دنت ترکیبی‌نین آشاغی اولماسیدیر. یئنی آراشدیرمادا تدقیقات‌چیلار سیرکولیاسییا ائد‌ن شیش دنت (س.ت.دنا) آشکار ائتمک اوچون ماشین اؤیره‌نمه مودئلیندن استیفاده ائدیبلر. بو، اونلارا محدودیتلری آرادان قالدیرماغا ایمکان وئریب.

تکنولوگییا آغ‌جیگر، دری، دؤش و باغیرساق خرچنگی شیشلری اولان خسته‌لرده سیناقدان کئچیریلیب. آنالیز نتیجه‌سینده ۱۵ خسته‌دن ۹-دا باغیرساق خرچنگی‌نین رئسیدیوی آشکار ائدیلیب.

اونلاردان بئشین‌ده فاکتیکی رئسیدیو باش وئریب. همچینین تئست نتیجه‌سینده شیش دنت-سی آشکار اولونمایان خسته‌لرده خرچنگ رئسیدیوی باش وئرمه‌ییب.

عالیملر هم ده یئنی تکنولوگییانین بیر نئچه ایل عرضینده بدخاصه‌لی شیشلره چئوریله‌جک خرچنگ اؤنجه‌سی باغیرساق پولیپلرینین دنت-سینی آشکارلایا بیلدیینی ده نماییش ائتدیریبلر.