عموم‌دنیا صحیه تشکیلاتی آغجاقانادلار واسطه‌سیله یاییلان چیکونگونیا ویروسونون گلوبال پاندمیایا چئوریله بیلجیی باره‌ده خبردارلیق ائدیب.

Axar.az خبر وئریر کی، تشکیلاتین تروپیک خسته‌لیکلر اوزره متخصصی دیانا روژاس آلوارز ویروسون آرتیق ۱۱۹ اؤلکه‌ده آشکار ائدیلدیینی بیلدیریب.
اونون سؤزلرینه گؤره، سؤزوگئدن ویروس سببیندن تقریباً ۵،۶ میلیارد انسان ریسک آلتیندادیر.

اکسپرت قید ائدیب کی، ماداگاسکار، سومالی و کنیا کیمی دیگر اؤلکه‌لرده ده یاییلما داوام ائدیر. همچنین، هیندیستان و جنوب-شرقی آسیانین بعضی بؤلگه‌لرینده ده چوخسایلی حاللار قیده آلینیب.

خسته‌لیین اؤلوم نسبتی ۱ فایز اولسا دا، میلیونلارلا یولوخما باش وئررسه، بونون مینلرله اؤلومه برابر اولا بیلجیی وورغولانیب. خصوصی معالجه‌سی اولمایان چیکونگونیا اپیدمییالارا سبب اولا بیلر.