آمریکا پرزیدنتی دونالد ترامپین اشتراکی ایله واشینگتن‌دا آذربایجان پرزیدنتی ایلهام علیئوله ارمنیستانین باش ناظیری نیکول پاشینیان آراسیندا گؤروش سون درجه مخفی شرایط‌ده حاضیرلانیب. بو حاق‌دا خبر یالنیز ایکی گون اول واشینگتن‌داکی دایره‌لر طرفیندن سیزدیریلیب. حس اولونوردو کی، ایشین ایچینده اولان باکی و ایروان بونونلا باغلی خبرین واختین‌دان اول یاییملانماسین‌دا ماراقلی اولماییب. سببی بللی‌دیر. روسیا و ایران کیمی قونشولاری اولان جنوبی قافقاز اؤلکه‌لرینین واشینگتنلا ایستی مناسبتلری مسکوا و تهران‌دا قیجیق اویادیر و هر ایکی‌سینین پوزوجولوق فعالیتی بللی‌دیر.

Axar.az خبر وئریر کی، بو سؤزلری پولیتیلوق ائلخان شاهین‌اوغلو بیلدیریب.

«بونا باخمایاراق، باکی و ایروان واشینگتن‌دا گؤروشون کئچیریلمه‌سینه و آغ ائو صاحبنین اشتراکی ایله صلح سازیشینین پارافلانماسی امکانینا اعتراض ائتمه‌ییبلر. چونکی واشینگتنون سیاستی ایله باغلی معین سواللار اولسا دا، روسیا و ایرانین رگیونال سیاستی ایله باغلی سواللارین سایی داها چوخ‌دور. کرمل و تهران آذربایجان و ارمنیستان لیدرلرینین واشینگتن گؤروشونه هله رئاکسییا وئرمه‌ییبلر، یقین گؤروشون نتیجه‌سینی و آمریکا پایتاختین‌دا نه‌یین امضالاناجاغینی گؤزلییرلر. بوتون حاللاردا مسکوا و تهرانین واشینگتنون رگیونال تشببوسلرینین قارشی‌سینی آلماسی چتینلشیب. ارمنیستانین باش ناظیری نیکول پاشینیان آمریکا شرکتلریندن بیرینین زنگزور دهلیزینی اجاره‌یه گؤتورمک تکلیفینه راضیلاشسا، مسکوا و تهران بونون قارشی‌سینی یالنیز ارمنیستان‌دا چئوریلیش ائتمکله آلا بیلر»، - او بیلدیریب.