بو گون ایران حکومتینین سؤزچوسو فاطمه مهاجرانی مطبوعات کنفرانسین‌دا واشینگتن‌دا آذربایجان، ارمنیستان و آمریکا آراسین‌دا امضالانمیش زنگزور دهلیزی (ترامپ یولو) ایله باغلی راضیلاشمایا مناسبت بیلدیریب.

Axar.az خبر وئریر کی، بو باره‌ده "آزاد ایران" تلگرام کانالی معلومات یاییب.

مهاجرانی بریفینگده ژورنالیستلرین قارشی‌سینا ایران، آذربایجان و ارمنیستان سرحدلرینین عکس اولوندوغو خریطه ایله چیخیب.

حکومتین سؤزچوسو ژورنالیستلرین سواللارینی جوابلاندیرارکه‌ن دئییب کی، زنگزور دهلیزی کیمی تانینان بو بؤلگه ایران-ارمنیستان سرحد خطینین یالنیز کیچیک بیر حصه‌سیدیر.

"ایران اوچون بؤلگه‌ده ثابتلیین تامین اولونماسی، اؤلکه‌لرین اراضی بوتؤولویونون قورونماسی و موجود سووئرنلیکلرین پوزولماماسی اساس پریوریتتلردندیر. خارجی آکتورلارین بؤلگه‌یه مداخله‌سی بیزی ناراحات ائدیر و بو پروسسلری چوخ یاخیندان ایزلییریک"، - دئیه سؤزچو وورغولاییب.

خارجی ایشلر ناظیرلیینین مسئله ایله باغلی دیپلماتیک ایضاحاتلار وئردیینی آچیقلایان مهاجرانی قید ائدیب:

"مدیا مسئله‌نی ائله تقدیم ائدیر کی، سانکی ایران بوتون شمال سرحدینی ایتیریب. رئال‌لیقدا بو بیزیم اوچون جدی سرحد ایتکی‌سی آنلامینا گلمیر".