روسیا رسمیلری آذربایجان و ارمنستان لیدرلری الهام علیئو و نیکول پاشنیان آراسین‌دا ۸ آوگوست‌دا آمریکا پرزیدنتی دونالد ترامپین واسطه‌چیلیی ایله امضالادیقلاری مقاوله‌یه ایلک گونلر صبرلی یاناشیر، راضیلاشمانین علیه‌اینه آچیقلاما وئرمیردیلر. بو اونونلا علاقه‌لیدی کی، روسیا پرزیدنتی ولادیمیر پوتین آمریکالی همکارینین دعوتی اوزرینه ترامپلا آلیاسکادا گؤروشه حاضیرلاشیردی. بو عرفه‌ده کرملین صاحبینین و اونون ال‌آلتیلارینین ۸ آوگوست مقاوله‌سینین علیه‌اینه آچیقلامالار وئرمه‌سی دوغرو ساییلمیردی. بو ترامپین سعیلرینی شبهه آلتینا آلماق آنلامینا گلردی.

Axar.az خبر وئریر کی، بو سؤزلری پولیتولوگ الخان شاهین‌اوغلو بیلدیریب.

او قید ائدیب کی، واشینگتن‌دا امضالانان مقاوله‌دن بیر آی کئچیب و آرتیق روسیالی رسمیلر آذربایجان و ارمنستان لیدرلرینین آمریکا پایتختین‌دا امضالادیقلاری مقاوله‌نین علیه‌اینه آچیقلامالار وئرمه‌یه باشلاییبلار:

«کرملین همیشکی کیمی خارجی ایشلر ناظیری سرگی لاوروو قاباغا وئریب. او، باکی و ایروان آراسین‌دا واشینگتن‌دا الده اولونان راضیلاشمانی ایکی اؤلکه‌نین سووئرن حقوقو سایسا دا، ایکی ضروری علاوه‌سینی ده اونوتماییب. بیرینجی‌سی، لاوروو دئییب کی، روسیا راضیلاشمالارین اجراسینی یاخین‌دان ایزلییر. ایکینجی‌سی، لاوروون فکرینجه، مقاولیله باغلی ایلکین مثبت رایلر تدریجا سکپتیک قیمتله‌ندیرمه‌لرله عوضلنیب و گویا سندده هر شی راضیلاشدیریلماییب.

لاوروون آچیقلاماسی کرملینین واشینگتن راضیلاشماسینین اجراسینا مانع اولماغا چالیشاجاغیندان خبر وئریر. روسیانین خارجی ایشلر ناظیری مقاوله باره‌ده «سکپتیک رایلر» سؤزلری ایله ارمنیستانین رادیکال مخالفتینی نظرده توتوب. چونکی محض ارمنی رادیکاللار واشینگتن‌دا امضالانان مقاوله‌نی توپا توتوبلار. کرملینین دایاغی دا محض اونلاردیر. ایروان و واشینگتن تلسمه‌لیدیرلر. زنگزور دهلیزینین تیکینتی‌سینی و آذربایجانلا صلح مقاوله‌سینین امضالانماسی پروسسینی سرعتله‌ندیرمک لازم‌دیر. گئجیکمه کرملینین خیرینه ایشله‌یه‌جک».