آذربایجانین بیرینجی ویتسه-پرزیدنتی مهربان علیئوا ۲۰۲۶-جی ایلین ایلک گونو مناسیبتیله پایلاشیم ائدیب.

Axar.az پایلاشیمی تقدیم ائدیر:

«عزیز هموطنلریم، باجی-قارداشلاریم!

یئنی ۲۰۲۶-جی ایلین ایلک گونونده هر بیرینیزه محکم جانساغلیغی، اوغور و رفاه آرزولاییرام. قوی بو ایل اومیدلرینیزی دوغرولتسون، اوریینیزده‌کی بوتون آرزولارینیزی حیاتا کئچیرسین.

هر بیریمیزین یاشی بیر ایل ده آرتدی و اینانیرام کی، داها مدریک اولدوق. قوی بو مدریک‌لیک بیزه ان توتقون گونلرده بئله ایشیغی گؤرمه‌یه کمک ائتسین. قوی قلبلریمیزده مرحمت داها چوخ اولسون. قوی سئوگیمیزین و خییرخواهلیغیمیزین انرژیسی اطرافیمیزی بوروسون.

چونکی تکجه بیر یاخشی عمل بئله هر طرفه کؤک سالیر و همین کؤکلردن یئنی آغاجلار – یئنی خییرخواه عمللر و یاخشی ایشلر بوی آتیر. مرحمت و خییرخواه‌لیق بیزی داها گوجلو، داها یاخشی انسانلارا چئویریر.

قوی یئنی ایلده بیزی یاخشیلیغا اینام، بیر-بیریمیزه حرمت و دوغما وطنیمیز قارشی‌سیندا مسئولیت حسی بیرلشدیرسین. قوی اوجا تانری هر بیرینیزی و هامیمیزی بیرلیک‌ده قوروسون، بیزی بلالاردان ساخلاسین، خالقیمیزا صلح، همرای‌لیک و معنوی گوج بخش ائتسین.

قوی الله مرحمتینی عائله‌لریمیزدن، اؤولادلاریمیزدان و خالقیمیزدان اسیرگه‌مه‌سین، قلبلریمیز ایشیغا، شفقته و سئوگییه آچیق اولسون.

یئنی ایلینیز مبارک – اومیدله، ایناملا و سئوگی ایله،

سیزین مهربان».