آمریکا مطبوعاتی مرکزی کشفیات اداره‌سینین حساباتینا استناد ائد‌رک ایرانین عالی رهبری علی خامنه‌اینین مسکوایا قاچاجاغی ایله باغلی خبر تیراژلاییب. مرکزی کشفیات اداره‌سی بو خبری مقصدلی شکل‌ده یاییب. مقصد ایران‌دا اعتراض دالغاسینین گئنیشله‌نمه‌سینی تامین ائتمک و محافظه‌کارلار آراسین‌دا فکر آیریلیغی یاراتماقدیر.

Axar.az خبر وئریر کی، بو سؤزلری سیاسی شرح‌چی ائلخان شاهین‌اوغلو بیلدیریب.

«بو خبر ایران‌دا مذاکره موضوع‌سونا چئوریله‌جک. آنجاق محافظه‌کارلارا رهبرلیک ائدنلر هله قاچماغا دئییل، اعتراضلاری سلاح گوجونه یاتیرماغا اوستونلوک وئریرلر. اگر بو آلینماسا و محافظه‌کارلار وضعیته نظارتی ایتیررلرسه، حقیقتا عالی رهبرین قاچیریلماسی سناریسی ایشه دوشه‌جک. بو حال‌دا عالی رهبرین آلترناتیوی چوخ دئییل.

خمینی شاها قارشی مبارزه‌یه پاریس یاخینلیغیندان رهبرلیک ائدیردی. او زمان آوروپادا و فرانسادا حساب ائدیرلر کی، خمینی شاه رژیمینین یئرینده نرمال حاکمیت فورمالاشدیراجاق. امیدلر بوشا چیخدی.

آوروپا بو دفعه آلدانمایاجاق، غرب اؤلکه‌لری ۱۹۷۹-جو ایلدن بو یانا ملا رژیمینین نه‌یه قادر اولدوغونو آنلاییب. اونا گؤره عالی رهبری قبول ائد‌جک اؤلکه‌لر روسیا و چینله کفایتلنه بیلر. بشار اسد روسیانی سئچ‌دی، عالی رهبر ده دوستونون سئچیمینه اوستونلوک وئرر. آنجاق ایران هله او مرحله‌یه چاتماییب»، - پولیتولوق قید ائدیب.