ایران‌داکی اعتراضلارین داها اؤنجه باش وئرن کوتلوی آکسییالاردان فرقله‌ندیرن جهتلری رژیمین سقوطونا آپاراجاغی احتمالینی گوجلندیریر.

آ) رژیمین دییشدیریلمه‌سی پلانلاری/جهدلری دایم گوندمه گلسه ده، واجب اولان ایکی عامل – داخلی زمین و خارجی دستک ایندی داها گوج‌لو گؤرونور؛

ب) رژیمین خارجی دستک عاملی قارشی‌سیندا مؤقعلرینی گوجله‌ندیره بیله‌جک رئال متفقلری یوخ‌دور؛

ج) اعتراضلارین تملینده سوسیال-اقتصادی پروبلملرین دایانماسی دیندارلار دا داخل اولماقلا جمعیتین بوتون کسیملرینین رژیمه قارشی چیخماسینا سبب اولور: مختلف اتنوسلارین پست-رژیم سونراکی پلانلاری فرقلی اولسا دا، حاضیرکی هدفلری اورتاقدیر؛

چ) اعتراضلار ایران‌دا حادثه‌لرین انکشافینا یؤن وئرن هر اوچ مرزده - تهران، مشهد و تبریزده باش وئریر؛

د) رژیم داخلینده مونولیتلیک ضعیفله‌ییب، پزشکیانین چاغیریشلاری، همچنین، رژیمین حشد شعبی و حزب‌الله-دان دستک قوه‌لری گتیرمه‌سی حاق‌دا معلوماتلار بو کونتکستده دقت چکیر.

بو کونتکستده رژیمین اؤلکه‌یه نظارتی برپا ائده بیلجه‌یی احتماللاری ضعیفله‌ییر. حادثه‌لرین ایکی سناری اوزره انکشاف ائدجه‌یینی تخمین ائتمک ممکون‌دور.

سوریا سناریسی: بو، وطنداش محاربه‌سینین اولماسی دئمکدیر؛

رژیمین وضعیته نظارتی ایتیرمه‌مک اوچون سونا قدر دؤزمک ایسته‌دیی گؤرونور. معلوماتلارا گؤره، حزب‌الله عضولری و عراق‌دان میلیس قوه‌لری اعتراضچیلارا قارشی دؤیوشمک اوچون اؤلکه‌یه گتیریلیب. بو، اعتراضلارا سلاح‌لی مداخله‌نین گئنیشلنجه‌یی و اعتراضچیلارین دا سلاح‌دان استفاده‌سینین کوتلوی حال آلاجاغی دئمکدیر. اسدین دیرنیشی نتیجه‌سینده سوریادا باشلانان وطنداش محاربه‌سی سناریسی ایران‌دا دا تکرارلانا بیلر، هرچند، بونون اوزون‌مدتلی اولماسی ممکون‌سوزدور. سوریادا اسدین اوزون مدت دیرنمه‌سی خارجی فاکتورلاردان – روسیا و ایرانین دستییندن قایناقلانیردی. ایران رژیمین اوزون مدت دیرنیشینی تامین ائد‌جک رئال متفقلری یوخ‌دور:

- چین سیاسی دستک وئرسه ده، پراکتیکی مداخله‌دن چکینه‌جک؛

- روسیانین پراکتیکی دستک وئرمک امکانلاری محدودلاشیب، مسکوا ایران مسئله‌سیندن واشینگتونلا «بازارلیق‌دا» استفاده ائتمه‌یه چالیشاجاق.

عراق سناریسی: مرکزی حاکمیتین ضعیف اولدوغو ایران؛

ایرانین پارچالانماسی پلانلاری موجوددور، لاکن پست-رژیم دؤورونده بونون قیسا مدتده باش وئرمه‌سی بؤلگه‌یه نظارتین چتینلیی و گئوسییاسی توققوشما ریسکلری فونون‌دا خارجی فاکتورلارین ماراغین‌دا اولمایا بیلر. استثنا دئییل کی، ایران اوچون عراق سناریسی – ضعیف مرکزی حاکمیت و مختار رسپوبلیکالار پلانلاشدیریلیر. کوردلر اوزریندن قورولان اویونلار دا بو پلانین ممکونیونو اؤنه چیخاریر.

بیزیم اوچون اساس مسئله ایران‌دا پست-رژیم سونراسی گونئی آذربایجانین ملی مسئله‌سینین ان آزی «گوج‌لو مختاریت» کیمی قبول ائدیلمه‌سینه نایل اولماق‌دیر. چونکی رژیمی دئویرمک ایسته‌یه‌ن خارجی فاکتورلارین کوردلردن فرقلی اولاراق، آذربایجانلیلار آنالوژی دستک وئرجیی سوال آلتیندادیر، عینی زمان‌دا، گونئی آذربایجان‌دا دموگرافیک وضعیتین کوردلرین حسابینا دییشدیریلمه‌سی استقامتینده آتیلمیش آددیملار، ائلجه ده اونلارین تورپاق ادعالاری («کوردوستان دموکرات پارتیاسی» بیاناتین‌دا «ماکودان لرستانا قدر، بیر ملت، بیر اؤلکه» ایفاده‌سی ایله گونئی آذربایجانین غربی آذربایجان و لرستان ایالتلرینه ادعانی گوندمه گتیریب) ریسکلر یارادیر. بو باخیم‌دان، تبریزین گلجه‌یینده باکینین رولو حل‌ائدیجی اولا بیلر.