آذربایجان و قازاخیستان موسلمان دونیاسینین واجیب و بؤیوک اؤلکه‌لری‌دیر.

آپا-نین معلوماتینا گؤره، بو سؤزلری ایسرایلین باش ناظری بئنیامین نئتانیاهو آذربایجانا سفرین‌دن اول هاوا لیمانین‌دا ژورنالیستلره آچیقلاماسین‌دا دئییب.

«آذربایجانلا قازاخیستان موسلمان دونیاسینین ایکی بؤیوک و واجیب اؤلکه‌سی‌دیر. بیزیم مقصدیمیز اونلارلا سیاسی، مالییه و تهلوکه‌سیزلیک ساحه‌سین‌ده موناسیبتلری گوجله‌ن‌دیرمک‌دیر. واختاشیری ایسرایل ایله باغلی ائشیتدیکلرینیزدن فرقلی اولاراق، ایسرایل نه اینکی سیاسی تجریددن اذیت چکیر، تام عکسینه، بو اؤلکه‌لر ایسرایلله موناسیبتلرینی گوجله‌ن‌دیرمک ایستییر. آسییا، آفریکا، لاتین آمئریکاسی اؤلکه‌لری ایله موناسیبتلریمیزی گوجلندیردیک‌دن سونرا ایندی نؤوبه موسلمان دونیاسینین واجیب اؤلکه‌لرینه چاتیب».

نئتانیاهو ایلک دفعه ۲۰ ایل اول باش ناظر کیمی آذربایجانا سفر ائتدیینی و پرئزیدئنت حیدر علیئوله گؤروشدویونو خاطیرلادیب. او، حاطیرکی سفرینی داوام‌لیلیق و واجیب ایرلیلییش آدلاندیریب.