تورکییه‌نین مدنیت و توریزم ناظری نبی آوجی تورکییه-ایسرایل مناسیبتلرینین نورماللاشماسی پروسسی چرچیوه‌سین‌ده ایسرایلین پایتاختی تئل-اویوه سفر ائدیب.

آپا-نین وئردیی خبره گؤره، نبی آوجی ۲۰۱۰-جو ایلده «ماوی مرمره» گمی‌سینه تشکیل ائدیلن هوجوlدان سونرا ایسرائیلی زیارت ائد‌ن ایلک تورک ناظری اولوب.

تورکییه رسمی‌سی صاباح ایسرایلین توریزم ناظری یاریو لئوین ایله گؤروشه‌جک. گؤروشدن سونرا مطبوعات کنفران‌سی کئچیریله‌جک. نبی آوجی همچینین آرالیق دنیزی توریزم سرگی‌سینین آچیلیشینا قاتیلاجاق.

سفر چرچیوه‌سین‌ده تورکییه‌لی ناظر ایسرایل تورک یهودیلری ایله ده بیر آرایا گله‌جک. سفردن سونرا ایسرایلدن تورکییه‌یه گلن توریست ساییندا آرتیم گؤزلنیلیر.

قید ائدک کی، ایسرایل تهلوکه‌سیزلیک قوه‌لرینین ۳۱ مای ۲۰۱۰-جو ایلده قضزایا هومانیتار یاردیم آپاران «ماوی مرمره» گمی‌سینه هوجومو نتیجه‌سین‌ده ۱۰ تورک وطنداشینین حیاتینی ایتیرمه‌سی ایکی اؤلکه علاقه‌لرینین کسیلمه‌سینه سبب اولموشدو. علاقه‌لر ایسرائیلین عذر ایسته‌مه‌سی، قوربانلارین عائله‌لرینه اؤد‌نه‌جک تضمیناتی تورکییه‌یه چاتدیرماسی و قزه یه هومانیتار یاردیملارین چاتدیریلماسینین برپاسیندان سونرا برپا اولونوب.