آذربایجان رسپوبلیکاسی پرزیدنتی ایلهام علیئو باکی شهرینده کئچیریلن ۴-جو ایسلام همرای‌لیگی اویونلاریندا آذربایجان رسپوبلیکاسینین ایدمانچیلاری و اونلارین مشقچیلری اوچون ان یوکسک نتیجه‌لره گؤره مکافاتلارین معین ائدیلمه‌سی حاقیندا سرانجام ایمضالاییب.

آخار. آذ خبر وئریر کی، سرانجاما اساساً، باکی شهرین‌ده کئچیریلن ۴-جو ایسلام همرای‌لیگی اویونلاریندا ان یوکسک نتیجه‌لره گؤره آذربایجان رسپوبلیکاسینین ایدمانچیلاری و اونلارین مشقچیلری اوچون مکافاتلارین مبلغی آشاغی‌داکی قایدادا معین ائدیلیب:

۱.۱. بیرینجی یئری توتان هر بیر ایدمانچییا ۱۰۰ مین مانات، اونون شخصی مشق‌چی‌سینه ۵۰ مین مانات؛

۱.۲. ایکینجی یئری توتان هر بیر ایدمانچییا ۵۰ مین مانات، اونون شخصی مشق‌چی‌سینه ۲۵ مین مانات؛

۱.۳. اوچونجو یئری توتان هر بیر ایدمانچییا ۳۰ مین مانات، اونون شخصی مشق‌چی‌سینه ۱۵ مین مانات.

آذربایجان رسپوبلیکاسینین ناظیرلر کابینتینه بو سرانجامدان ایر‌لی گلن مسئله‌لری حل ائتمک تاپشیریلیب.

***

آذربایجان رئسپوبلیکاسی میللی اولیمپییا کومیته‌سینین پرزیدنتی ایلهام علیئو باکی شهرینده کئچیریلن ۴-جو ایسلام همرای‌لیگی اویونلاریندا آذربایجان رسپوبلیکاسینین ایدمانچیلاری و اونلارین مشقچیلری اوچون ان یوکسک نتیجه‌لره گؤره موکافاتلارین معین ائدیلمه‌سی حاقیندا سرانجام ایمضالاییب.

سرانجاما اساساً، ۴-جو ایسلام همرای‌لیگی اویونلاریندا ان یوکسک نتیجه‌لره گؤره آذربایجان رسپوبلیکاسینین ایدمان‌چیلاری و اونلارین مشق‌چیلری اوچون مکافاتلارین مبلغی آشاغی‌داکی قایدادا معین ائدیلیب:

- بیرینجی یئری توتان هر بیر ایدمانچییا ۵۰ مین مانات، اونون مشق‌چی‌سینه ۲۵ مین مانات؛

- ایکینجی یئری توتان هر بیر ایدمانچییا ۳۰ مین مانات، اونون مشق‌چی‌سینه ۱۵ مین مانات؛

- اوچونجو یئری توتان هر بیر ایدمانچییا ۲۰ مین مانات، اونون مشق‌چی‌سینه ۱۰ مین مانات.