بیز ۴-جو ایسلام همرای‌لیگی اویونلارینین آچیلیش مراسیمینده ایسلام دینینین مترقیلیینی گؤستردیک. گؤستردیک کی، ایسلام دینی علم دینی‌دیر، مدنیت دینی‌دیر، صولح دینی‌دیر، مرحمت دینی‌دیر. بیز آذربایجان خالقینین ایستعدادلی نماینده‌لرینی آچیلیش مراسیمینده گؤستردیک. آذربایجانین زنگین، قدیم تاریخینی، مدنیتینی بوتون ایسلام عالمینه، بوتون دونیایا نماییش ائتدیردیک. عینی زاماندا، باغلانیش مراسیمی ده آذربایجانی مترقی، معاصر اؤلکه کیمی تقدیم ائتدی. یعنی بو نادیر وحدت بو گون آذربایجانی دونیا میقیاسیندا اوزولونماز اؤلکه‌یه چئویریر. بیز اؤز میللی، دینی دیرلریمیزه صادیقیک، اونلاری قورویوروق و قورویاجاغیق.

آخار. آذ خبر وئریر کی، بو فیکیرلری پرزیدنت ایلهام علیئو ۴-جو ایسلام همرای‌لیگی اویونلاریندا قالیب گلمیش ایدمانچیلاریمیز، اونلارین مشق‌چیلری و آذربایجانین ایدمان ایجتیمایتینین نماینده‌لری ایله گؤروش‌ده بیلدیریب.

دؤولت باشچیسی دئییب کی، بیز دونیایا آچیغیق، بیز معاصیریک، بیز اینکیشاف ائدیریک و بو اؤنملی عامللر بو گون اصلینده معاصر آذربایجان دؤولتینی تجسوم ائتدیریر. بیز درین میللی-معنوی کؤکلر اوزرین‌ده معاصر دؤولت قوروروق، او دؤولت کی، ایندی هر بیر وطنپرور اینسان اؤز اؤلکه‌سی ایله فخر ائدیر.

«بیزیم اوغورلاریمیزین تملینده وطن سئوگی‌سی‌دیر و ایدمان‌چیلاریمیزی دا قلبه‌لره آپاران اساس عامل بودور. بیز گؤروردوک کی، ایدمان‌چیلار نئجه سئوینیرلر، خالقیمیز نئجه سئوینیر. بو اون گون عرضین‌ده بیز بیر داها گؤردوک کی، خالقیمیز، جمعیتیمیز بیردیر. بیزی بیرلشدیره‌ن بیزیم عقیده‌میزدیر، تاریخیمیزدیر و گله‌جه‌یه باخیشلاریمیزدیر. بو گون آذربایجان دونیا میقیاسیندا چوخ بؤیوک حؤرمته لاییق اولان بیر اؤلکه‌دیر. آذربایجان مسلمان عالمینده چوخ بؤیوک رغبته لاییق اولان بیر اؤلکه‌دیر»، - آذربایجان پرزیدنتی قید ائدیب.