روسییا ایله حربی-تکنیکی امکداشلیغا دایر یئنی سازیشلر اوزره دانیشیقلار آپاریریق. بو ایستیقامتده هئچ بیر محدودیت گؤرموروک.

آپا-نین معلوماتینا گؤره، بونو «ریا نوووستی»یه موصاحیبه‌سینده آذربایجان پرزیدنتی ایلهام علیئو بیان ائدیب.

"بو، دایم دقت مرکزیمیزده اولان پروسس دیر. حاضردا دانیشیقلار داوام ائدیر. سیز داها یاخشی بیلیرسینیز کی، روسییانین حربی صنایعسی اینکیشاف ائدیر، یئنی معاصر سلاحلار یارانیر»، - دئیه او وورغولاییب.

دؤولت باشچیسی بو ایستیقامت‌ده روسییا ایله امکداشلیغی محصولدار آدلاندیریب.

پرزیدنت همچینین قئید ائدیب کی، آذربایجانین روسییا ایله ایمضالادیغی سازیشلرین اکثریتی ایجرا اولونوب. آرتیق سلاحلارین آلیندیغینی دئیه‌ن علیئو امکداشلیق اوزره گله‌جک پلانلار اوزرینده ایشین داوام ائتدیریله جه یینی بیلدیریب. «آذربایجاندا و روسییادا هئچ بیر محدودیت یوخ‌دور»، - دئیه او وورغولاییب.