بوندستاقین ساغچی رادیکال آ.ف.د فراکسییاسینین آفر حکومتینه «آلمانییا-ارمنیستان موناسیبتلری» مؤوضوعسون‌دا گؤندردیی سورغو و آلدیغی جواب دیقتچکیجیلیگی ایله سئچیلیب.

آخار. آذ خبر وئریر کی، آلمانییا مئدیاسی سورغودا همچینین داغلیق قاراباغلا باغلی بعضی سواللارین یئر آلدیغینی یازیب.

آلمانییا حکومتینین سؤزوگئدن سورغویا جاوابینین گیریشینده خصوصی قید اولونوب کی، آلمانییا «آلمانییا-ارمنیستان موناسیبتلری» دئدیکده آلمانییا-ارمنیستان رسپوبلیکاسی آراسینداکی موناسیبتلر باشا دوشولمه‌لیدیر.

«آلمانییا حکومتی ارمنیستان سلاحلی قوه‌لرینین نظارتین‌ده یئرلشن داغلیق قاراباغ رئگیونو و یئددی اطراف رایونو آذربایجانین بیر حیصه‌سی حساب ائدیر. آلمانییاحکومتی قوندارما «داغلیق قاراباغ رسپوبلیکاسینی» تانیمیر»، - جوابدا کونکرئت اولاراق بیلدیریلیب.

حکومت سورغونون مووافیق بندلرینه (داغلیق قاراباغدا اینسان حقوقلارینین، مطبوعات آزادلیغینین، آزلیقلارین وضعیتی، اورادا یاشایان آلمانلارین سایی و س.) دایر جاوابیندا بو قیدینه ایستیناد ائتمکله کیفایتلنیب.

همچینین سورغوداکی «آلمانییا حکومتی داغلیق قاراباغین بین الخالق حقوقی ایستاتوسونو نئجه قیمتلندیریر؟» سوالینا حکومت «داغلیق قاراباغ بؤلگه‌سی آذربایجان رسپوبلیکاسینین اراضی‌سینین بیر حیصه‌سی‌دیر» جوابینی وئریب.