پاکیستان حکومتی اوغورلانمیش سرحدچیلریمیزین آزادلیغا بوراخیلماسی ایستیقامتینده جدی و عملی آددیملار آتاجاق و بو سیناق‌دان باشیوجا چیخاجاق.

آخار. آذ خبر وئریر کی، بو سؤزلری ایران خاریجی ایشلر ناظیرلیینین سؤزچوسو بهرام قاسمی ژورنالیستلره آچیقلاماسیندا دئییب. او، ۱۴ ایران حربچیسین‌دن و اونلارین آزادلیغا بوراخیلماسی اوچون رسمی تهرانین ایسلام آباددان گؤزلنتی‌سیندن دانیشیب:

«حادثه‌دن درحال سونرا خاریجی ایشلر ناظریمیز پاکیستانلی همکارینا زنگ ووراراق مسئله نی اونونلا موذاکیره ائتدی و پروبلئمین حلی اوچون تهرانلا ایسلاماباد آراسین‌داکی دیپلوماتیک تماسلار دا آرتدی. حساب ائدیریک کی، بو تماسلار اؤز بهره‌سینی وئره‌جک، سرحدچیلریمیز آزادلیغا بوراخیلاراق اؤز وطنلرینه قایی‌داجاقلار. بو، پاکیستانین یئنی باش ناظری جناب عمران خانین باش ناظر پوستونا گلمه‌سیندن سونرا ایکی قونشو اؤلکه آراسیندا باش وئره‌ن ایلک خوشاگلمز حادثه‌دیر. اومید ائدیریک کی، پاکیستان حکومتی اوغورلانمیش سرحدچیلریمیزین آزادلیغا بوراخیلماسی ایستیقامتینده جدی و عملی آددیملار آتاجاق و بو سیناقدان باشی اوجا چیخاجاق».