ارمنیستان آلپینیزم فدراسییاسینین ویتسه-پرزیدنتی سورن دانیئلیان اؤلکه مطبوعاتینا بیر قدر اول آغری داغینا چیخان ارمنی نماینده‌لرینین فعالیتین‌دن دانیشارکن داغین ان یوکسک زیروه‌سینه ارمنی بایراغی سانجیلدیغینی بیلدیریب.

آخار. آذ خبر وئریر کی، ارمنیستان‌دان اولان دسته ایونون ۲۵-ده زیروه‌یه قالخیب.

دانیئلیانین سؤزلرینه گؤره، تور ایشتیراکچیلاری آغری داغینین ان یوکسک نقطه‌سینه - ۵۱۳۷ متر یوکسک‌لییه ارمنی بایراغی یئرلشدیریب.

دانیئلیان تورکییه طرفینین مسئله‌یه رئاکسییا وئرمدیینی ده قید ائدیب.

«تورکییه هئچ بیر رئاکسییا وئرمه‌دی. طبیعی کی، بیلیرلر، آنجاق سوسورلار. اونلار اوچون نسه دئمک الوئریشلی دئییل، چونکی بو هم ده علاوه گلیر یئریدیر»، - ویتسه-پرزیدنت بیلدیریب.

مسئله بوراسین‌دادیر کی، ارمنیلر تورکییه‌نین ان یوکسک زیروه‌سی ساییلان آغرینین اونلارا مخصوص اولماسینا دایر میفلر یاییرلار. اصلین‌ده ارمنیلرین چوخداندیر تورکییه‌یه قارشی اراضی ادعالاری وار.

بئله بیر حادثه بیر نئچه ایل قاباق دا باش وئریب. ۲۰۱۴-جو ایلده ارمنیستان‌دان اولان آلپینیستلردن عبارت قروپ آغری داغیندا ارمنی بایراغی یئرلشدیریب. او واخت آغرینین تیجارت-صنایع پالاتاسینین صدری محت ارات بیلدیرمیشدی: »زیروه‌ده ارمنی بایراغی یئرلشدیرمه‌لرینه دایر معلوماتلار دوغرو چیخسا، بؤلگه ساکینلری اونلاری آغری داغینین زیروه‌سینده دفن ائد‌جک».

او واخت ارمنی بایراغینین زیروه‌ده یئرلشدیریلمه‌سی ایله باغلی معلوماتلار اؤز تصدیقینی تاپمادی. بو نؤوبتی ارمنی ساختاکارلیغی ایدی. آلپینیستلر بایراغی آچیب، شکلینی چکیب، سونرا دا ییغیشدیرمیشدیلار. یقین کی، بو دفعه ده آغری داغیندا ارمنی بایراغینین یئرلشدیریلمه‌سی ایله باغلی احوالات ساختا اولاجاق.