خزر اقتصادی فورومون‌دا ایران و روسییا اورتاق مؤقع نوماییش ائتدیریب

آذربایجان، ایران و روسییا آراسین‌دا انرژی شبکه‌لری‌نین بیرلشدیریلمه‌سی لاییحه‌سی‌نین اسا‌سلاندیرما سندلری حاضرلاناجاق.

بو باره‌ده روسییانین واحید انرژی سیستمی اوپئراتورونون معلوماتین‌دا بیلدیریلیر.

«آوقوستون ۱۲-ده روسییا، آذربایجان و ایران اوچ اؤلکه‌نین انرژی شبکه‌لری آراسین‌دا شیمال - جنوب انرژی دهلیزی لاییحه‌سی‌نین تکنیکی اقتصادی اساسلاندیرمانی مشترک حاضرلاماقلا باغلی سازیش ایمضالاییب»، - معلومات‌دا دئییلیر.

«آذر انرژی» آسج، ایرانین «تاوانیر» شیرکتی، روسییانین واحید انرژی سیستمی‌نین طرف اولدوقلاری سازیش اوچ اؤلکه‌نین انرژی سیستملری‌نین قوووشماسینا دایر لاییحه‌ده سیفاریش‌چی قیسمین‌ده ایشتیراک ائد‌ن «تاوانیر» شیرکتی دیگر ایکی ایشتیراک‌چی ایله راضیلاشماق شرطیله اساسلانمانی حاضرلایاجاق شیرکتی سئچه‌جک. سندلری بیر ایل عرضین‌ده حاضرلاییب یئکونلاشدیرماق نظرده توتولور.

هله ۲۰۰۵-جی ایلده آذربایجانلا روسییا آراسین‌دا ایقتصادی امکداشلیغا دایر حوکومتلر آراسی کومیس‌سییاسی‌نین قرارلارین‌دا ایکی اؤلکه آراسین‌دا انرژی سیستئملرین بیرلشدیریلمه‌سینه قارشی‌لیق‌لی ماراق ایفاده اولونوب. بوندان اول روسییا طرفی تکنیکی شرطلرینی حاضرلایاراق آذربایجانا و ایرانا گؤندریب.

باکی‌دا ۲۰۱۸-جی ایل آپرئلین ۲۶-دا اوچ اؤلکه‌نین انرژی ناظری موعاوینلری سوییه‌سین‌ده کئچیریله‌ن گؤروش زامانی سؤزوگئدن شرطلر راضیلاشدیریلمیش، انرژی سیستملری‌نین بیرلشدیریلمه‌سی مسئله‌سینه دایر اوچ‌طرفلی ایشچی قروپو یارادیلمیشدی.

یئری گلمیشکه‌ن، داها بیر انرژی لاییحه‌سی ایله باغلی مسئله ایسه بئله گؤرونور کی، تئزلیکله حل ائدیلمه‌یه بیلر. صحبت ترانس‌خزر گاز کمرین‌دن گئدیر. ایران بیان ائدیب کی، ائکولوگییا باخیمین‌دان خزر دنیزین‌دن گاز کمری‌نین چکیلمه‌سی‌نین علیهینه‌دیر. «توران» خبر وئریر کی، بونو ایران میللی گاز شیرکتی‌نین نماینده‌سی بهروز نامداری خزر اقتصادی فورومون‌دا چیخیشین‌دا بیلدیریب. «شرق‌دن خزر دنیزی‌نین قربینه قاز کمری‌نین چکیلمه‌سی رئگیونون ائکولوگییاسینا جدی زیان وورا بیلر. ایران اونون اینشاسی‌نین علیهینه‌دیر»

او، باکی و آشقابادا تکلیف ائدیب کی، آوروپایا گاز نقلی اوچون ایرانین اینفراستروکتورون‌دان ایستیفاده ائتسینلر.

عینی زامان‌دا موسکوادا روسییا حکومتی‌نین آپارات رهبرینین موعاوینی سئرگئی پریخودکو ایشاره ائدیب کی، روسییا ائکولوژی سببلردن ترانس‌خزر گاز کمری لاییحه‌سی‌نین علیهینه‌دیر.

«خزرده ایری لاییحه‌لر قرض‌سیز اکولوژی اکسپئرتیزادان کئچیریلمه‌لی‌دیر»، - او، آوقوستون ۱۲-ده دئییب.

اونون سؤزلرینه گؤره، بون‌دان اؤنجه بئش خزریانی اؤلکه آراسین‌دا ایمضالانمیش اطراف موحیطین قیمتلندیریلمه‌سینه دایر پروتوکول «خزر ساحلین‌ده یئرلشه‌ن هر بیر دؤولته تران‌سرحد کاراکتره مالیک دنیز فعالیتی‌نین هرطرفلی اکولوژی اکسپئرتیزاسین‌دا ایشتیراک ائتمک حقوقو وئریر.

بیر ایل اؤنجه خزریانی اؤلکه‌لرین لیدرلری خزرین حقوقی ایستاتوسونا دایر کونوئن‌سییا ایمضالاییبلار. سنه‌ده گؤره، بئله لاییحه‌لر آنجاق گاز کمرلری‌نین کئچدییی اراضی سولارینا مالیک اؤلکه‌لر ایله راضیلاشدیریلمالی‌دیر. تورکمنیستان گازی‌نین آذربایجان، گورجوستان و تورکییه‌دن کئچمکله آوروپایا نقلی اوچون نظرده توتولان بو قاز کمری لاییحه‌سی اوزون ایللر اول ایر‌لی سورولوب. اما خزرین حقوقی ایستاتوسونون رازیلاشدیریلماماسی لاییحه‌نین قارشی‌سین‌دا اساس انگل حساب ائدیلیردی. چونکی روسییا و ایران بو مؤقع‌ده ایدی کی، دنیزین دیبین‌دن کمرلرین چکیلمه‌سی بوتون ساحلیانی دؤولتلرین راضی‌لیغی ایله باش توتا بیلر.

خزرین حقوقی ایستاتوسونا دایر بیر ایل اول ایمضالانمیش کونوئن‌سییادا ایسه گؤستریلیردی کی، دنیزین دیبین‌دن کمرلرین چکیلمه‌سی اوچون کمرین مارشروتونون کئچدییی میللی سئکتورلارین منسوب اولدوغو اؤلکه‌لرین راضی‌لیغی کیفایت ائدیر. بو باخیم‌دام هم رسمی آشقاباد، هم بیر سیرا ائکسپئرتلر بئله قناعته گلیبلر کی، ترانسخزر قاز کمرینین چکیلمه‌سی اوچون تورکمه‌ن قازینین آوروپا بازارلارینا چیخماسین‌دا ماراق‌لی اولمایان روسییانین راضی‌لیغی طلب اولونمور. لاکین روسییا طرفی هله بیر ایل اول ده بیان ائتمیش‌دی کی، اگر ترانس‌خزر بورو کمرلری لاییحه‌لری میدانا چیخارسا، ایشتیراک‌چی اؤلکه‌لر هله لاییحه‌له‌ن‌دیرمه مرحله‌سین‌ده اونون خزرین ائکولوگییاسینا مومکون تاثیرلرینی آنالیز ائتمک پروسئ‌دورونو باشلاتمالی‌دیر. یعنی ترانسخزر قاز کمری لاییحه‌سی اوزرین‌ده لاییحه‌له‌ن‌دیرمه ایشلری باشلاسا، اولجه گرک بوتون ساحلیانی اؤلکه‌لر اونو ائکولوژی ائکسپئرتیزادان کئچیریب اؤز راضی‌لیقلارینی وئرسینلر.

روسییا خین-این ترانس‌خزر گاز کمرینین تیکینتی‌سی پئرسپئکیولرینه دایر رسمی مؤوقئی محض بون‌دان عبارت‌دیر. یعنی آیدین ایدی کی، تورکمنیستان و آذربایجان اؤز آرالارین‌دا ترانس‌خزر گاز کمرینه دایر رازیلیغا گل‌سه‌لر، بونو روسییا و دیگر ساحلیانی اؤلکه‌لرله ده راضیلاشدیرماق طلب اولوناجاق.