«هر بیر حکومتین نه قدر دئموکراتیک اولدوغونو او حکومت‌ده کئچیریله‌ن سئچکیلر یولو ایله قیمتله‌ن‌دیرمک مومکون‌دور. اگر بیر حکومت سئچکیلری شففاف شکیل‌ده کئچیریرسه، میللتینه سئچمک و سئچیلمک حاقینی تانیییرسا، او حکومتین دئموکراتیک اولدوغونو دئیه بیلریک.» – دئیه، امیر مردانی بیلدیریب.

آخار. آذ-این معلوماتینا گؤره امیر بی مردانی ایران‌دا سئچکی مکانیزمینی ایضاح ائد‌رک بیلدیریب کی، نامیزدلرین صلاحیتلری «کونستیتوسییا محافظه شوراسی» طرفین‌دن تصدیق‌لنیر و یاخود رد ائدیلیر. «کونستیتوسییا محافظه شوراسی نامیزدلری بیر چوخ فیلتردان کئچیره‌رک دیرلندیریر. اونلارین ان اؤن‌م‌لی‌سی ویلایتی-فقیهی، یعنی علی خامئنئیینین بوتون ایشلرین باشین‌دا اولماغینی تصدیقله‌مک‌دیر. بو ایسه او دئمک‌دیر کی، هر هان‌سی بیر شخص ایران رهبرینه موخالیف اولسا و یا ایران رهبرینین سؤزلرین‌ده زرره قدر سهوین اولدوغونو دوشون‌سه، همین شخ‌سین سئچکی‌ده ایشتیراک ائتمک حاقی علین‌دن آلینیر،» – دئیه سیاسی فعال بیلدیریب.

او، همچینین سون ایللرده ایرانین فوندامئنتالیست سیاسی جرهیانینا باغلی اولان بعضی شخصلرین نامیزدلیکلرینین تصدیق اولوندوغونو بیل‌دیره‌رک، حاکمیتین سون ایللرده داها بؤیوک دیکتاتورایا چئوریلدیینی آچیقلاییب.

ایسوئچ‌ده یاشایان گونئی‌لی دیاسپورا فعالی امیر مردانی پارلامئنت سئچکیلرین‌ده ایشتیراک ائد‌جک نامیزدلرین و حاضردا پارلامئنت‌ده‌کی دئپوتاتلارین دیسکوالیفیکاسییا ائدیلمه‌سینین ایکی اساس سببینین اولدوغونو بیلدیریب.

«ایران حاکمیتی خالقین نارازی‌لیغینی بیلدیی اوچون بیر چوخ دئپوتاتین نامیزدلیینی رد ائد‌رک خالقا بو مئساژی وئرمک ایستییر: "بو گونه قدر سیزین نارازیلیغینیزین سببی حال-حاضردا سیزی تمثیل ائد‌ن دئپوتاتلاردان آسی‌لی ایدی و اونلار سیزین ایستکلرینیزی یئرینه یئتیرمک‌ده مووففق دئییل‌دیلر».

مردانی همچینین دئپوتاتلارین نامیزدلیکلرینین رد ائدیلمه‌سی ایله باغلی بیلدیریب کی، «خامئنئیی هئچ بیر گوجون اؤز اطرافین‌دا یئرلشدیریلمه‌سینی ایستمیر. بونا گؤره خامئنئیینین یوروتدویو سیاستی تنقید ائد‌ن، حتی فوندامئنتالیست دئپوتاتلارا بئله سلاهیت وئریلمیر. حاکمیت دوشونور کی، بو دئپوتاتلار دا حاکمیته تهلوکه یارادا بیلر و بو سبب‌دن ده گئت-گئده بو دایره‌نی دارالدیرلار. او دئپوتاتلارین یئنی نسیل و یئنی اینسانلارلا اوزله‌نمه‌سی ایستنیلیر، چونکی اونلار رهبرین سؤزلرینه داها چوخ قولاق آسیرلار. بونا گؤره ده، اونلارین وظیفه‌یه گلمه‌لری تعمین ائدیلیر.»

ایران آذربایجانین‌دا تورک فعاللارین سئچکیلره موناسیبتینی شرح ائد‌ن امیر بی مردانی دئییب کی، عمومی‌لیک‌ده بیر چوخ فعال سئچکیلرین بویکوت ائدیلمه‌سینین ترفداری‌دیر. «اورتاق مخره‌جه گلمک چوخ چتین‌دیر. عمومیتله، میللی حرکات بو سئچکیلرین قربی آذربایجان استثنا اولماقلا بیر چوخ شهرلرده بویکوت ائدیلمه‌سینه قرار وئریب.»

امیر مردانینین فیکرینجه، سئچکی خالقین سؤزونو حاکمیته قانونی شکیل‌ده چاتدیرماغینین اساس یولودور. اما سون ایللرده ایران‌دا باش وئره‌ن اعتراضلار و اعتراضلاردا حیاتلارینی ایتیره‌ن اینسانلارین سایینین یوکسک اولماسی اونو گؤستریر کی، خالق آرتیق سئچکیلر واسطه‌سی ایله بیر دییشیکلیین اولمایاجاغینا اینانیب.

«خالق آرتیق قبول ائدیب کی، سئچکیلر اونلار اوچون بیر حل یولو دئییل. اونلار دوشونور کی، بون‌دان اؤنجه اعتراضلار ۱۵۰۰ نفرین اؤلومو ایله نتیجلنیب. ایندی ایسه آرتیق اینانماق مومکون دئییل کی، همین میللت سسینی حکومته سئچکیلر واسطه‌سی ایله چاتدیرماغا قرار وئرسین.» – دئیه مردانی بیلدیریب.