ارمنیستان خاریجی ایشلر ناظیرلیینین آذربایجانین کئچمیش شائومیان رایونونون گویا کی، ایشغال اولونماسینا دایر بیاناتی تجاووزکار ارمنیستانین آذربایجانا قارشی اولان اساس‌سیز اراضی ادعالارینین اؤلکه‌میزین حاضردا ارمنیستان سلاح‌لی قوه‌لرینین ایشغالی آلتین‌دا اولان داغلیق قاراباغ بؤلگه‌سی و اطراف یئددی رایونو ایله محدودلاشمادیغینی آشکار شکیل‌ده گؤستریر.

آخار. آذ خبر وئریر کی، بونو آذربایجان خاریجی ایشلر ناظیرلیینین مطبوعات خیدمتینین رهبری لیلا آبدوللایئوا بیلدیریب.

اونون سؤزلرینه گؤره، آذربایجانین کئچمیش شاومیان رایونو ایلک دفعه ۱۹۳۰-جو ایلده کئچمیش گنجه قزاسینین اراضی‌سین‌ده اساساً ارم‌نیلرین مسکونلاشدیغی اراضیلرین داخیل اولدوغو شائومیان کند رایونو اینضیباطی واحدی شکلین‌ده یارادیلیب. بئله کی، بو رایون هئچ واخت کئچمیش داغلیق قاراباغ مختار ویلایتینین ترکیبینه داخیل اولماییب و ۱۹۹۱-جی ایلده آذربایجان رسپوبلیکاسی عالی سووئتینین قراری ایله رایون لغو ائدیله‌رک قاسیم ایسماییلوو رایونونون ترکیبینه داخیل ائدیلیب، سونرادان ایسه اونون تاریخی آدی قایتاریلاراق، گورانبوی آدلاندیریلیب:

"ارمنیستان خاریجی ایشلر ناظیرلیینین آذربایجانی اؤز بین الخالق تانینمیش اراضیلرینی ایشغال ائتمک‌ده اتهام ائتمه‌سی گولونج اولدوغو قدر، یومشاق دیلله دئسک، آنلاشیلمازلیق دوغورور.

خاطیرلادیریق کی، هله ۲۰۱۵-جی ایلده آوروپا اینسان حقوقلاری محکمه‌سینین «سرگسیان آذربایجانا قارشی» آدلی قرارینین ۳۰-جو پاراقرافین‌دا محکمه قید ائدیب کی، کئچمیش شائومیان رایونونون (گورانبوی) «د.ق.ر طرفین‌دن اراضی‌سینین بیر حیصه‌سی اولدوغو ادعا ائدیلیر...». تقدیم اولونان دلیللری نظردن کئچیره‌ن محکمه ۱۳۴ و ۱۳۹-جو پاراگرافلاردا معین ائدیب کی، بو رایون آذربایجانین بین الخالق سوییه‌ده تانینمیش اراضی‌سی‌دیر و بئله‌لیکله، ارمنیستانین ادعاسی رد ائدیلیر.

ارمنیستان خاریجی ایشلر ناظیرلیینین آذربایجانین داغلیق قاراباغ و اطراف بؤلگه‌لرینین حربی ایشغالینا و بو اراضیلرده‌کی یوز مینلرله آزربایجانلینین فوندامئنتال حقوقلارینین پوزونتوسونا گؤره محض ارمنیستانین تام مسئولیت داشیدیغی مسئله‌سین‌دن بین الخالق اجتیماعیتی یایین‌دیرماق مقصدی ایله وئردیی بو بیانات ایشغال‌چی اؤلکه‌نین فاکتلارین ساختالاشدیریلماسی اوزره چیرکین تجروبه‌سی‌دیر.

ایشغال‌چی اؤلکه‌نین بو بیاناتی ائرمنیستان رهبرلیینین اصلین‌ده اؤز اهالی‌سینی سولهه نئجه هازیرلادیغینی بوتون دونیایا نوماییش ائتدیردی.

عمومی‌لیک‌ده قید ائتمک ایستردیم کی، ارمنیستان خاریجی ایشلر ناظیرلیینین سون بیاناتی اونسوز دا گرگین اولان وضعیتین داها دا گرگینلشمه‌سینه یؤنلدیلیب. اونلارین بونو بیله‌رک‌دن، یاخود ائرمنیستان-آذربایجان موناقیشه‌سینین حلی کونتئکستین‌ده حاضردا آچیق-آیدین تکلیک‌ده قالدیقلاری اوچون چیخیلماز وضعیت‌دن ایر‌لی گله‌رک ائتدیکلرینی سؤیله‌مک چتین‌دیر. ائرمنیستان طرفینی نینکی دونیادا دستکله‌یه‌ن، حتی اونلارین مؤوقئیینه آنلاییش گؤستره‌ن نه بیر دؤولت، نه ده بیر قوه یوخ‌دور.

بلکه ده ارمنیستان خاریجی ایشلر ناظیرلیینین سون آچیقلاماسینا اؤز اؤلکه‌لرین‌ده‌کی مرکب داخیلی وضعیت تأثیر گؤستریب و بو یوللا اونلار اؤز کاراکترلرینین آغیرلیغینی گؤسترمک ایستییرلر. آنجاق منطیقی او اولاردی کی، ارمنیستان طرفی بیزیمله ماسا آرخاسین‌دا اوتوراراق، بوتون سوییه‌لرده دفعه‌لرله بیان ائدیله‌ن تکلیفلر اساسین‌دا دانیشیقلاری یکونلاشدیرسین"، - دئیه، او بیلدیریب.