جناب پرزیدنت ایلهام علیئو اؤلکه تله‌کاناللارینا وئردیی مصاحیبه‌ده ارمنیلرین جنوبی قافقازا گتیریلمه‌سی، اساس‌سیز ارمنی ادعالاری، آذربایجانا قارشی حربی تجاووزو و اونون نتیجه‌لرینه دایر سؤیلدیکلری ان معتبر تاریخی منبع‌لره اساس‌لانیر. عینی زامان‌دا ایشغال‌چی اؤلکه‌نین بوتون ماهیتینی آچیب اورتایا قویور.

بو سؤزلری تلگراف. کوم-آ آچیقلاماسین‌دا میللی مجلیسین دئپوتاتی موسی قاسیم‌لی دئییب.

دئپوتات بیلدیریب کی، ارمنیلر جنوبی قافقازین آبوریگئن اهالی‌سی دئییللر: «اونلار چار روسییاسی طرفین‌دن ۱۹-جو عصرین بیرینجی یاری‌سین‌دا مقصدلی شکیل‌ده کؤچوروله‌رک، جنوبی قافقازدا، آذربایجان تورپاقلارین‌دا یئرلشدیریلیبلر، آذربایجان‌لیلارین حسابینا وارلانیبلار، بحران‌لی آنلاردا آذربایجان‌لیلاری سیخیشدیریبلار. باش‌لیجا مقصدلری تاریخ‌ده اولمایان «بؤیوک ارمنیستان» قورماق اوچون اراضیلر الده ائتمک اولوب».

اونون سؤزلرینه گؤره، ارمنیستان‌دا ایرق‌چی‌لیک، ترور دؤولت سیاستی اولاراق قبول ائدیلیر: «ارمنیستان‌دا ۱۹۲۰-جی ایلین نویابرین‌دا کوممونیستلر حاکمیت باشینا گلسه ده، اونلار باشقا فورمالارلا داشناک سیاستینی داوام ائتدیریبلر. خاریج‌ده اولان ارمنی تشکیلاتلاری هم آذربایجانا، هم گرجستانا، هم ده تورکییه‌یه قارشی اراضی ادعالارینی داوام ائتدیریبلر».

موسی قاسیم‌لی سؤیله‌ییب کی، کورکچای مقاویله‌سینی ایمضالایانلار آذربایجان خادیملری و چار روسییاسینین نماینده‌لری‌دیر: «مقاویله‌نین آلتین‌دا و متنین‌ده ارمنی آدی و ایفاده‌سی یوخ‌دور. اگر قاراباغ ارمنی تورپاغی ایدیسه، چار روسییاسی طرفین‌دن ایشغال ائدیلیب بیرلشدیریلنده رسمی سندده ارمنینین ده آدی اولاردی. اما بو یوخ‌دور».

میللت وکیلی دقته چاتدیریب کی، اؤلکه باش‌چی‌سینین فیکیرلری تاریخی گئرچکلیکلری اؤزون‌ده عکس ائتدیریر: «ارمنیستان آذربایجانا قارشی حربی تجاوز ائدیب. آذربایجان اراضیلرینی ایشغال ائدیب و بو ایشغالین گئدیشین‌ده سویقیریمی حیاتا کئچیریب. بو گون ارمنیستان‌دا ترور، سویقیریمی، ایرق‌چی‌لیک دؤولت سیاستی‌دیر. ائرمنیستانین تملین‌ده ده محض ترور، ایرق‌چیلیک، سویقیری‌می دایانیر. ایندیکی ائرمنیستان حاکمیتی ده همین عنعنه‌نی داوام ائتدیریر».

موسی قاسیم‌لی علاوه ائدیب کی، ائرمنیستان‌دا هانسی سیاسی قوه حاکمیت باشینا گلیرسه، گلسین بو عنعنه‌نی پوزمور: «چونکی ترور، ایرق‌چیلیک، سویقیریمی ارمنیستان‌دا، ارمنی خالقینین طبیعتین‌دن و عنعنه‌سین‌دن ایر‌لی گلیر».