ایران حکومتی، ملی شورا مجلسی ده داخیل اولماقلا، عمومی اعتراضلارینا گؤره درین بحران ایچین‌ده‌دیر. بو بحرانی حل ائدیب، ناراضی خالقین طلبلرینه عمل ائتمکدنسه، آلترناتیو یوللار آختاریرلار. بو ایسه دونیانین دموکراتیک قوه‌لری طرفیندن مثبت قارشیلانمیر.

بونو Axar.az-آ گونئی آذربایجانلی فعال عبدالله امیر هاشمی جاوانشیر دئییب.

او بیلدیریب کی، اعتراضلار فونون‌دا بین الخالق تضییقلره معروض قالان ایران روسییا کیمی توتالیتار ایداره‌ائتمه سیستم‌لی بیر اؤلکه‌یه اوز توتماغا مجبور اولوب:

«هر ایکی دولت دونیا طرفین‌دن تجرید اولونموش دورومدادیر. عینی وضعیتده اولدوقلاریندان بیر-بیرلرینه یاردیم ائده بیله‌جکلرینی دوشونورلر. روسییا آرتیق بیر ایله یاخیندیر اوکراینادا محاربه آپاریر و بو دا اونو اقتصادی جهتدن ضیفلدیب. ایران روسییایا درونلار وئرمکله، محاربه‌نین ترکیب حیصه‌سینه چئوریلیب. بو ایسه غرب اؤلکه‌لری و بین الخالق تشکیلاتلار طرفیندن غضبله قارشیلانیب. ایرانا قارشی خوش مناسبت یوخدور. او، یاخشی مناسیبتی اؤز حربی متفیقی اولان روسییادان گؤزلییر. ایران روسییا واسطه‌سی ایله قورتولوش یولو آختاریر. بو یاخینلاشما چاره‌سیز بیر حرکتدیر و نتیجه‌لری اولمایاجاق».

اونون سؤزلرینه گؤره، ایران گئتدیکجه اقتصادی بحرانین درینلشمه‌سی ایله اوزلشه‌جک:

«حتی ایرانین ان یاخین طرفداشی چین ایله مناسیبتینین اوولکی کیمی سیخ اولمادیغینی گؤروروک. عوضینده چین عربیستانلا امکداشلیغی گوجلندیریر. دئیردیم کی، باهالیق و ایشسیزلیین آرتماسی اعتراضلاری قاچیلماز ائد‌جک. ایران و روسییا کیمی اؤلکه‌لر باش وئره‌ن سیاسی، اقتصادی، ائتنیک بحرانلارین حلینی آرادان قالدیرماق‌دانسا، بو پروبلمین حلینه چالیشان اینسانلاری آرادان گؤتورمکله مشغول‌دورلار ».

فعال همچینین ایران-روسییا امکداشلیغینین گئنیشله‌نمه‌سی فونوندا عموم‌خالق اعتراضلارینین یاتیریلماسی ایله باغلی رسمی مسکوانین تهرانا مصلحتلر وئره بیلجیینی ده استثنا ائتمه‌ییب:

«اولا بیلسین، روسییا ایراندا اعتراضلاری نئجه یاتیرماقلا باغلی توصیه‌لر وئرسین. اما بو، فایداسیز اولاجاق».