ارمنیستانین سنتیابر دؤیوشلرینده ایرانین دستیینی گونده‌مه گتیرمه‌سی باکی-تهران خطین‌ده گرگینلییندن ایستیفاده ائتمک کیمی گؤرونور: ایرانین ارمه‌نیلره هرطرف‌لی دستیی سیرر دئییل، او دا سیرر دئییل کی، باکی-تهران قارشی‌دورماسی ایرانین دستیینین گوجه‌نمه‌سینده ایروانا یئنی امکانلار یارادیر و بو، اونون اوچون رگیون‌دا تکله‌نمه‌مک باخیمیندان اهمیتلیدیر، خصوصیله مسکوا قارشیسیندا «مرکزدن‌قاچما سیاستی» فونوندا.

لاکین استثنا دئییل کی، ایروان بو «اعترافی» تهرانا داها چوخ لازیمدیر و بو کونتکستده سوال یارانیر: آذربیاجان اجتماعی رایین‌ده آنتی-ایران موقعینی داها دا گوجلندیرمک نامینه اولسا بئله، تهران نیه نایل اولماق ایستییر؟

بورادا اوچ اساس مقاما دقت ائتمک اولار:

- موصاحیبه هان‌سی مئدیا اورگانین‌دا یاییملانیب؟

- ارمنیستان کیمه، هانسی مساژی وئریر؟

- نیه ایندی بئله آچیقلامالار تیراژلاندی؟

کوستانیانین مصاحیبه وئردیی «آل-مونیتور» نشری واشینگتن‌دا فعالیت گؤستریر و یاخین شرقله باغلی اساس پلاتفورمالارداندیر. بو مصاحیبه‌نین ایروانین تشببوسو ایله یاییملاندیغی احتیمالی بؤیوکدور و مصاحیبه‌نین اساس مغزی واهانین دئدیی «ایران بو گون رگیون‌دا ارمنیستانین مهم طرفداشیدیر» فیکریدیر.

و بو، ارمنیستانین باکی-تهران خطین‌ده‌کی قیریلمانی درینلشدیرمکدن داها چوخ، آمریکایا وئردیی مئساژ، هم ده تهرانین ایروان اوزریندن واشینگتنا «اهمیتینی» نوماییش ائتدیرمه‌سی‌دیر: ایران‌دا اومید ائدیرلر کی، ارمنیستانا دستکله واشینگتنون رگیونال سیاستینه تهفه وئره و حربی مداخیله پلانینی آرخا پلانا کئچیره بیلرلر؛

بونون ایندی - ایسرایلین ایرانا ضربه‌لر ائندیرمه‌سیندن درحال سونرا گونده‌مه گتیریلمه‌سی ده آمریکانین حربی مداخیله قرارینا تأثیر ائتمه‌یه حسابلانیب. تهران بو سنارینین قارشی‌سینی آلماق اوچون باکییا هجومونو اعتراف ائدیر.