بو گون آذربایجان خاریجی ایشلر ناظیرلیینین ۱۹۷۵-جی ایل خریطه‌سی اساسین‌دا سرحدلرین معینلشمه‌سینه گویا راضی‌لیق وئرمه‌سی ایله باغلی ارمنی طرفینین آپاردیغی تبلیغاتا کسکین رئاکسییاسینا ایروان‌دان جواب گلیب.

Axar.az خبر وئریر کی، ارمنیستان خاریجی لیشلر ناظیری آرارات میرزویان بو حاق‌دا پارلامئنتین بیرگه کومیسییاسینین اجلاسین‌دا دانیشیب.

«ارمنیستان اوچون ۱۹۷۵-جی ایل خریطه‌سی اساسین‌دا سرحدلرین دئلیمیتاسییاسی مقبولدور. آنجاق باکی ایله بو باره‌ده راضیلاشما هله‌لیک یوخدور»، - دئیه او اعتراف ائدیب.

میرزویان بیلدیریب کی، آذربایجانین راضی‌لیغی اولماسا دا، ناراضی‌لیغینی دا آلماییبلار.

آنکلاولار مسئله‌سینه گلدیکده ایسه میرزویان وورغولاییب کی، بونونلا دئلیمیتاسییا و دئمارکاسییا کومیسییاسی مشغول اولمالی و حقوقی آسپئکتی معینلشدیرمه‌لیدیر.

قید ائدک کی، ارمنیستان باش ناظری نیکول پاشینیان دا داخیل اولماقلا، ارمنیستان رسمیلری سون واختلار گویا روسییا سیلاحلی قوه‌لری باش قرارگاهینین آرخیوینده ساخلانیلان و اجتیماعیت اوچون الچاتان اولمایان ۱۹۷۵-جی ایل خریطه‌لری اساسیندا سرحدین دلیمیتاسییاسینین آپاریلماسینا آذربایجانین دا راضی‌لیق وئردیینی ادعا ائدیردی. بو گون آذربایجان بونا قطعی شکیل‌ده اعتراضینی بیلدیرن بیانات یایدیقدان سونرا آرارات میرزویان آذربایجانین بو خریطه‌یه هله راضی‌لیق وئرمدیینی اعتراف ائدیب.