بو ایل فئورالین ۲۰-ده آلمانییادان ایرانا گئتدیکدن سونرا باره‌سین‌ده معلومات اولمایان آذربایجان وطنداشی فرید سفرلی ایونون ۱-ده بو اؤلکه‌ده جاسوسلوق اتهامی ایله حبس ائدیلدی. بو حادثه‌دن درحال سونرا آذربایجان خاریجی ایشلر ناظرلیگی وطنداشلارا ضروری اولمادیغی تقدیرده ایرانا سفر ائتممیی توصیه ائتدی.

Axar.az خبر وئریر کی، آذربایجان خاریجی ایشلر ناظیرلیینین بو چاغیریشینا ایران درحال رئاکسییا وئریب.

ایران رسمی‌سی ناصر کنعانی اؤز تویتر صحیفه‌سین‌ده یازیب: «بیزیم سیاستیمیز - ویزالاری لغو ائتمک و آذربایجانلی قارداش و باجیلارا قوجاق آچماقدیر».

سون زامانلار آذربایجان خصوصی خیدمت اورگانلارینین ایران آگنتوراسینا قارشی آپاردیغی عملیاتلار نتیجه‌سین‌ده بیر چوخ جاسوس حبس ائدیلیب. بوتون بونلار ایسه ایرانی جدی ناراحات ائدیر. کنانینین بو آچیقلاماسینین آرخاسیندا ایرانین پیس نیتی دایانیر. ایران آگئنتلرینین عوضینه آذربایجان وطنداشلارینی حبس ائتمه‌یه باشلاییب. بو آچیقلاما دا اونا گؤره وئریلیب. ایران "قارداش و باجیلاریمیزا قوجاق آچیریق" کیمی سؤزلرله وطنداشلاریمیزی ایرانا دعوت ائتمک، سونرا دا بؤیوک حبس دالغاسینا ایستارت وئرمک نیتینده‌دیر. یعنی، بو چاغیریشلار ایرانین بؤیوک تله‌سی‌دیر.

ایران هئچ واخت آذربایجان وطنداشلارینین حالینا یانماییب. اگر ایران دوغرودان دا آذربایجان رسپوبلیکاسی وطنداشلارینی صدق-اورکدن «باجی و قارداشی» ساییرسا، بیر زحمت، گونئی‌ده‌کی ۴۰ میلیون آذربایجانلینین قایغیسینا قالسین: آنا دیلین‌ده اوخوماق-یازماق حقوقو، دوشونمک آزادلیغی اولمایان گونئی آذربایجانلیلارین مسکونلاشدیغی اراضیلر ایرانین ان باخیمسیز، ان کاسیب بؤلگه‌لریدیر. ایران فارس رژیمی مقصدلی شکیلده آذربایجانلیلارین تحصیل‌سیز، کاسیب وضعیت‌ده و آشیری تضییق آلتین‌دا یاشاماسی اوچون چالیشیر، اونلاری آسیمیلیاسییا ائدیر و میللی دیرلرین‌دن اوزاقلاشدیریر.

اوزین‌ده ایسه ۲۰۰ مین ائرمه‌نینین «میللی کیملیینی» قورویور، اونلارا مکتبلر آچیر، اولمایان مدنیتینی یاشاتماسینا، ایجما کیمی فعالیتینه یاردیم ائدیر.

ایرانین اصل «باجی و قارداشی»نین کیم اولدوغو هر کسه معلوم‌دور.